Australiaee Khilaadiyon Ko Break Dena Behtar Hotaa Gilchrist

Cricket »

Australiaee Khilaadiyon Ko Break Dena Behtar Hotaa Gilchrist

Melaborn. . Australia ke mahaan cricketer Adam Gilchrist ka maanana hai ki Bhaarat ke khilaaf teesare test se pehle Australiaee khilaadiyon ko break dena behtar hota taaki unka dimaag cricket se hataaya ja sake. Bhaarat mein 2004 mein series jeetne waali Australiaee team ke kaptaan rahe Gilchrist ne kaha ki unke khilaadiyon ne doosare aur teesare test ke beech mile break ka sahi istemaal kiya jiska unhein faayda mila tha. Unhonne kaha, 'Kai baar aisa hota hai ki aapko kuchh samay ke liye dimaag khaali karna jaroori hota hai. Bhaarat bahut achha aur lubhaavana desh hai lekin vahaan kaafi oorja kharch hoti hai aur sirf cricket ke maidaan par hi naheen. ' Gilchrist ne 'Sydney morning heraald ' se kaha, 'Aapki oorja din-raat aur har pal jaati rahati hai kyonki vahaan khel ko lekar itna junoon hai. Tabhi nayi chunautiyon ka saamana karne ke liye tarotaaja hone ki jaroorat hai. Mera maanana hai ki aise mein break jaroori hota hai jaisa humne 2004 mein kiya tha. ' ghaayal Ricky ponting ki jagah kaptaani karne vaale Gilchrist break mein Singapore jaakar apne parivaar se mile jabki baaki khilaadi Goa ya Mumbai gaye the. Gilchrist ne kaha, 'Ise sabhi khilaadi tarotaaja ho gaye jo hamaare liye bahut jaroori tha. Hamein laga ki yah naya daura aur nayi chunautiyaan hain. ' vaheen maujooda daure par Australiaee khilaadiyon ne doosare aur teesare test ke beech saat din ke break ka apne-apne tareeke se istemaal kiya. Michael Clark ne Hyderabad mein doosare test mein mili haar ke baad seedhe jaakar abhyaas kiya tha

Australiaee Khilaadiyon Ko Break Dena Behtar Hotaa Gilchrist https://www.angrejinews.com/pic/3239