Australia Ko Kam Karke Aankana Galati Hogi Pragyaan Ojha

Breaking » Monday, February 18, 2013

Nai Delhi: Australia ke ballebaaj abhyaas match mein spin geindabaajon ko khelne mein bhale hi naakaam rahe, lekin Bhaarat ke baaen haath ke spinner pragyaan ojha ka maanana hai ki Michael Clark ki aguvaai waali team ko kisi bhi star par kam karke aankana bhool hogi. Bhaarateeya spinner aar Ashwin aur ojha pichhle saal England ke khilaaf prabhaavashaali pradarshan naheen kar paae the isliye ve Australia ke khilaaf 22 February se shuroo hone waali chaar test maichon ki series mein kisi tarah ki dhilaai naheen baratana chaahate. Ojha ne ek channel ko diye saakshaatkaar mein kaha, antararaashtreeya cricket mein koi bhi aasaan pratidvandvi naheen hota. Australia ki team yuva hai, lekin kaafi pratibhaashaali hai. Koi bhi team kisi din haavi ho sakti hai isliye aatmamugdh bankar naheen raha ja sakta. Hamein jeet ke liye behtar pradarshan karna hoga. Australia ki team bahut achhi hai aur yah do achhi teemon ke beech romaanchak mukaabala hoga. Ojha ne sveekaar kiya ki Australia ko Ricky ponting aur Michael hasi ki kami khalegi, lekin iske saath hi unhonne apne saathiyon ko Clark, Shane Watson aur David vaarnar se satark rahane ki salaah di. Ab tak 20 test maichon mein 95 wicket lene vaale ojha ne kaha, 'Ponting aur hasi donon bahut achhe ballebaaj the. Australia ko unki kami khalegi, lekin uske paas saksham khilaadi hain. Kaptaan Michael Clark shaanadaar form mein hain. Shane Watson aur David vaarnar bhi khud ko antararaashtreeya cricket mein sthaapit kar chuke hain. Isliye unki ballebaaji laainaap achhi hai. Aap kisi bhi keemat par unhein kam karke naheen aank sakte.