Aur Pukhta Hui Hai Hamaari Parmaanu Taakat PM

Breaking »

Aur Pukhta Hui Hai Hamaari Parmaanu Taakat  PM

Vishesh pratinidhi nai Delhi. . Parmaanu hamlon se bachaav aur javaabi hamle ki Bhaarat ki kshamata mein pichhle 9 saalon mein kaafi majabooti aane ke sanket dete hue pradhaanamantri Manmohan Singh ne kaha hai ki humne ise ek thos aakaar diya hai. Pados ke kathin suraksha maahaul ka jikr karte hue pradhaanamantri ne kaha ki ham hind mahaasaagar ke kshetr mein suraksha pradaan karne ki bhi sthiti mein hain. Gurgaon mein naishanal defence university ka shilaanyaas karne ke baad apne sambodhan mein pradhaanamantri ne kaha ki iske saath hi ham khaaskar cyber aur antariksh ke gair paaramparik khataron se bhi nipatne ko ab behtar tareeke se taiyaar hain. Pradhaanamantri ne ailaan kiya ki ham cyber suraksha ke liye ek raashtreeya dhaancha taiyaar kar rahe hain aur iske saath hi ek raashtreeya cyber suraksha sanyojak ka kaaryaalaya bhi sthaapit karne ke kadam utha rahe hain. Pradhaanamantri ne kaha ki ham apne pados se kai tarah ki paaramparik, gair paaramparik aur saamarik suraksha chunautiyon ka saamana kar rahe hain. Pradhaanamantri ne kaha ki jahaan hamein apne raashtreeya bhoobhaag ki raksha ke liye taiyaar rahana hai hamein teji se failati raashtreeya sanpada ki bhi raksha karni hai. Gaurtalab hai ki dakshin cheen saagar mein Bhaarat ne tel aur gas ke dohan ke liye bhaari nivesh kiya hai. Isi ke maddenajar unhonne kaha ki pichhle kuchh saalon mein humne seemaant ilaakon mein jameeni sena ki taakat majaboot ki hai aur unke liye dhaanchaagat suvidha pradaan ki hai. Ham apni vaayusena ko aadhuniktam hamlaavar taakat se lais kar rahe hain aur iske saath hi nausena ki taakat badhaane par bhi ham vishesh jor day rahe hain. Hathiyaaron ki khareed mein haal mein ujaagar hue ghotaalon ka jikr kiye bina pradhaanamantri ne kaha ki ismein anaitik harkaton ko rokane ke liye ise aur paaradarshi bana rahe hain aur ghareloo star par sainya saajosaamaan ka utpaadan karne ke liye private sector ko badhaava deinge.

Aur Pukhta Hui Hai Hamaari Parmaanu Taakat PM https://www.angrejinews.com/pic/9497