. . . Aur Ab ATM 50 Ka Bhi Not Dega

Business »

. . . Aur Ab ATM 50 Ka Bhi Not Dega

Raipur ab jaroorat na hone par bhi logon ko ATM se jabaran bade not naheen nikaalne padeinge. Aane vaale kuchh dinon mein hi vibhinn bankon ke ATM se logon ko 500 rupaye va 100 rupaye ke saath 50 rupaye ke not bhi mileinge. Saath hi bank ab logon ko chillar (sikke) dene se bhi inkaar naheen kar sakte. Vibhinn bankon ke ATM mein keval 500 rupaye ke not hone ke kaaran upabhoktaaon ko kaafi pareshaani hoti hai. Aavashyakta na hone par bhi unhein jyaada rupaye nikaalne padate hain. Bhaarateeya reserve bank (RBI) ne inheen pareshaaniyon ka dhyaan rakhate hue bankon ko nirdesh diya hai ki ATM mein ab do prakaar ke not rakhana jaroori hai. RBI ne nirdesh diya hai ki agar ATM mein 500 rupaye ke not rakhe hain to usamein 100 rupaye ke not hone chaahiye. Isi prakaar 100 rupaye ke not hain to usamein 50 rupaye ke bhi not hone chaahiye. RBI ke is aadesh ke baad kuchh bankon ne apne ATM mein 50 rupaye ke not daalne shuroo kar diye hain. Banking adhikaariyon ka kehna hai ki RBI ne yeh vyavastha logon ki suvidha ko dhyaan mein rakhate hue shuroo ki hai. Isse pehle August 2013 ke nirdesh mein RBI ne bankon se 100-500 ke alaava 10, 20 aur 50 rupayon ke not bhi ATM mein daalne ko kaha tha lekin adhiktar bank aisa naheen kar rahe hain. Isse sabse bada faayda yeh hoga ki ab logon ko jitni jaroorat hogi, utane hi paise ve nikaaleinge. 50 rupae ke not ki yeh suvidha abhi Raipur sthit SBI ATM mein shuroo ho gayi hai. Banking adhikaariyon ka kehna hai ki aane vaale dinon mein anya bankon mein bhi yeh suvidha shuroo ho jaaegi. Bank of Maharashtra ke jonal manager peejed mishra ka kehna hai ki RBI ke nirdeshaanusaar ab bankon ko do prakaar ke not rakhane jaroori hain. SBI adhikaariyon se mili jaankaari ke anusaar logon ki suvidha ke liye ATM mein ab 50 rupaye ke bhi not raheinge. RBI ke nirdeshaanusaar bank ab logon ko chillar (sikke) dene se bhi inkaar naheen kar sakte. Log aavashyakta ke anusaar bankon mein jaakar chillar ki maang kar sakte hain. Bank apni kshamata ka dhyaan rakhate hue unhein sikke upalabdh karavaaega. Jaankaari ke anusaar abhi sikke upalabdh karaane waali machine bhi jald se jald upalabdh karaane par vichaar chal raha hai, taaki upabhoktaaon ko kisi bhi prakaar se pareshaani na ho.

. . . Aur Ab ATM 50 Ka Bhi Not Dega https://www.angrejinews.com/pic/51211