Audyogik Utpaadan, Mudraasfeeti Aankade Aane Se Pehle Share Baajaaron Mein Niveshakon Ki Saavadhaani Bhari Shuruaat

Business »

Audyogik Utpaadan, Mudraasfeeti Aankade Aane Se Pehle Share Baajaaron Mein Niveshakon Ki Saavadhaani Bhari Shuruaat

Mumbai, 12 February (bhaasha) ghareloo aur videshi niveshakon ki bikvaali aur pramukh aarthik aankadon ke jaari hone se pehle mangalvaar ko shuruaati kaarobaar mein share baajaaron mein niveshakon ka rukh saavadhaani bhara bana hua hai. BSE ka 30 companiyon ka share soochakaank 3.66 ank yaani 0.01 pratishat ghatkar 36,391.37 ank par chal raha hai. pichhle teen satr ke kaarobaar mein ismein 580 ank ki giraavat darj ki gayi hai. isi tarah NSE Nifty 3.95 ank yaani 0.04 pratishat ghatkar 10,884.85 ank par chal raha hai. brokeron ke anusaar December ke audyogik utpaadan (IIP) aur January ke khudara mudraasfeeti ke aankadein mangalvaar ko jaari hone hain. Iske chalte niveshakon ka rukh saavadhaani bhara bana hua hai. iske alaava videshi portfolio niveshakon (efapeeaai) aur ghareloo sansthaagat niveshakon ki or se bhi bikvaali jaari hai. aaranbhik aankadon ke mutaabik somvaar ko efapeeaai ne 125.05 karod rupaye aur ghareloo sansthaagat niveshakon ne 232.55 karod rupaye moolya ke sheyaron ki bikvaali ki.

Audyogik Utpaadan, Mudraasfeeti Aankade Aane Se Pehle Share Baajaaron Mein Niveshakon Ki Saavadhaani Bhari Shuruaat https://www.angrejinews.com/pic/254220