Audyogik Utpaadan Ka Growth Rate February Mein Ghat Kar 0.6 Feesadi Huaa

Business »

Audyogik Utpaadan Ka Growth Rate February Mein Ghat Kar 0.6 Feesadi Huaa

Nai Delhi. . Desh mein aarthik gatividhiyon mein tej giraavat ka sanket dete hue audyogik utpaadan ka growth rate is saal February mein ghatkar 0.6 feesadi par aa gaya. Maheene ke dauraan bijli aur khanan utpaadan mein kami hui aur mainyufaikcharing sector ka pradarshan bhi dayaneeya raha. Audyogik utpaadan soochakaank (IIP) par aadhaarit aaj jaari aankadon ke mutaabik April-February 2012-13 ke 11 maah ke dauraan audyogik utpaadan ka growth rate maatr 0.9 feesadi raha, jo 2011-12 mein isi avadhi mein 3.5 feesadi tha. Sanshodhit aankadon ke aadhaar par January, 13 ki audyogik utpaadan ki vruddhi dar pichhle maheene jaari asthaai aankade par aadhaarit 2.4 feesadi ke baraabar hi rahi. Audyogik utpaadan soochakaank mein 75 feesadi yogadaan karne vaale mainyufaikcharing sector ne February mein maatr 2.2 feesadi ki vruddhi darj ki, jo 2012 ke isi maheene mein 4.1 feesadi thi. Gair tikaaoo upabhokta utpaadan ki vruddhi dar February mein 2.9 feesadi rahi, jo pichhle saal ke isi maheene mein 4.4 feesadi thi. Pichhle vitt varsh ki 11 maheene ki avadhi mein iski vruddhi dar 2.3 feesadi thi, jo isse pichhle vitt varsh mein 6.4 feesadi thi. Madhyavarti vastuon ke utpaadan mein February ke dauraan 0.7 feesadi ki kami I, jabki pichhle saal ke isi maah mein ek feesadi ki vruddhi darj hui thi. April se February ki avadhi ke dauraan is khand mein 1.5 feesadi ki vruddhi darj hui, jabki 2011-12 ke pehle 11 maheene ke dauraan is kshetr ka utpaadan 0.7 feesadi ghata tha. Praathamik vastuon ka utpaadan February mein 1.8 feesadi ghata, jabki pichhle saal ke isi maah mein ismein 7.6 feesadi ki vruddhi darj hui thi. April-February 2012-13 ke dauraan praathamik vastuon ke utpaadan mein 2.3 feesadi ki vruddhi hui, jabki pichhle vitt varsh ke pehle 11 maheene mein 5.9 feesadi ki vruddhi darj hui thi.

Audyogik Utpaadan Ka Growth Rate February Mein Ghat Kar 0.6 Feesadi Huaa https://www.angrejinews.com/pic/5346