Asiaee Aithaletiks Bhaarat Ke Liye Pichhla Pradarshan Doharaana Mushkil

Sports »

Asiaee Aithaletiks Bhaarat Ke Liye Pichhla Pradarshan Doharaana Mushkil

Doha Bhaarat ke liye ravivaar se yahaan shuroo hone waali Asiaee aithaletiks championship mein pichhli baar ki tarah sheersh par rahane ke kaaranaame ko doharaana mushkil hoga haalaanki iske baavajood aithaleeton se team ko paryaapt padakon ki ummeed hai. Bhuvaneshvar mein 2017 mein aayojit championship mein Bhaarat ne 12 svarn, paanch rajat aur 12 kaansya padak sahit 29 padak jeete the. Cheen 20 padak lekar doosare sthaan par raha tha. Lekin is baar 42 sadasyeeya bhaarateeya team se is pradarshan ko doharaane ki ummeed naheen hai kyonki bhaala feink ke athlete neeraj Chopra sahit kai sheersh khilaadi chot sahit vibhinn kaaranon se ismein bhaag naheen le rahe hain. Patiala mein abhyaas ke dauraan neeraj ki kohani mein chot lag gayi thi aur vah apne khitaab ka bachaav naheen kar paaenge. Raashtreeya rekaard dhaarak dhaarun ayaasaami (purush 400 meter baadha daud), M shreeshankar (purush lambi kood) aur Asiaee khelon mein 800 meter ke svarn padak vijeta manajeet Singh chotil hone ke kaaran team mein naheen hai. Trikood ke aithaleet arapindar Singh America mein abhyaas kar rahe hain. Vah federation cup mein kvaalifaaing maanak haasil naheen kar paae the. Pichhli baar mahilaaon ki 3000 meter steepalachej mein svarn padak jeetne waali sudha Singh federation cup mein naheen kheli thi. Iske baavajood unhein team mein chuna gaya tha lekin khel mantraalaya ne unke naam ko manjoori naheen di. Ravivaar ko pehle din aath svarn padak daanv par lage honge. Bhaarateeya najariye se mahilaaon ka 400 meter ka final mahatvapoorn hoga. Hima das ismein bhaarateeya chunauti ki aguvaai kareingi jismein praarambhik daur subah aur final shaam ko hoga. Asiaee championship kaafi mahatvapoorn hai kyonki ismein svarn padak jeetne vaale ko isi sthal par September-October mein hone waali vishv championship ka ticket milega. Bhaarat ki taraf se jinsan Johnson (1500 meter), tejindar paal Singh toor (purush gola feink) aur mahilaaon ki chaar guna 400 meter rile team ko svarn padak ka daavedaar maana ja raha hai.

Asiaee Aithaletiks Bhaarat Ke Liye Pichhla Pradarshan Doharaana Mushkil https://www.angrejinews.com/pic/269216