Ashvini Aur Bansal Par Soniya Sakht, PM Ko Hataane Ka Power

Breaking »

Ashvini Aur Bansal Par Soniya Sakht, PM Ko Hataane Ka Power

Nai Delhi. . Congress adhyaksh soniya Gandhi ne rel mantri pavan bansal aur kaanoon mantri ashvini Kumar par kaarravaai ko lekar geind pradhaanamantri Manmohan Singh ke paale mein daal di hai. Congress ke sootron ka kehna hai ki soniya Gandhi bansal aur ashvini Kumar ke maamale par sakht hain aur unke baare mein turant kaarravaai ke liye PM se kah diya hai. Aise mein savaal uthata hai ki donon mantriyon ke maamale mein kya PM naram hain? Aur agar naram hain, to bhi kya soniya ke sanketon ki anadekhi kar sakte hain? Congress ke ek sootr ne kaha ki rel mantri ko sirf PM ke star par naheen, balki sangathan mein kam se kam do bade netaaon ki bhi sahaanubhooti shuroo mein mil rahi thi. Kaanoon mantri ashvini Kumar ka maamala seedhe PM leval par hai. Koyala khadaan aavantan ki aanch seedhe PM tak ja rahi hai aur maamala court mein hai, lihaaja peeemao khud par aane waali aanch ka aakalan karna chaah raha hai. Gaurtalab hai ki koyala khadaan aavantan ke jyaadaatar maamale us samay ke hain jab PM ke paas hi yah mantraalaya tha. Doosari taraf, rel ghoosakaand ke sabhi aaropi jail chale gaye hain aur CBI rel mantri pavan bansal se kabhi bhi poochhataachh kar sakti hai. Ab yah bhi pata chal chuka hai ki bansal ne Delhi aur Mumbai mein mahesh Kumar se mulaakaat ki thi. Aise mein savaal uth rahe hain ki kya bansal se poochhataachh ki jaroorat abhi naheen thi? Ya sarkaar se ijaajat lene ka proses shuroo naheen kar paai hai CBI? Maana ja raha hai ki sarkaar pehle bansal ko hataaegi aur uske baad CBI unase poochhataachh karegi. Isse sarkaar ki bhadd pitne se bhi bach jaaegi. Haalaanki, BJP ke ek neta ka to kehna hai ki donon mantriyon ke maamale mein Congress adhyaksh aur PM ke beech matabhed ki baat saare maamale se dhyaan hataane ki ek aur koshish hai. Doosari taraf, Congress sootron ka kehna hai ki donon mantriyon par kaarravaai ke baare mein adhyaksh ne saaf taur par kaha hai. Mantrimandal mein ferabadal ke liye charchaaon ke nateeje aur sahi samay ka intajaar karna hota hai. Vah ab lagbhag poora ho raha hai. Pavan bansal ka jaana tay maana ja raha hai, lekin pradhaanamantri chaahate hain ki ashvini Kumar cabinet mein bane rahein. Guruvaar der shaam keindreeya mantrimandal ki baithak se bhi kuchh aise hi sanket mile. Is baithak se bansal nadaarad rahe, jabki ashvini Kumar shaamil hue. Sootron ke mutaabik peeemao ko chinta hai ki ashvini Kumar ko mantrimandal se hataane ke baad seedhe pradhaanamantri nishaane par aa jaaenge. Aakhirkaar, koyala blauk aavantan se jude un faisalon par hi savaal uthaae gaye hain, jab koyala mantralaya pradhaanamantri ke adheen tha.

Ashvini Aur Bansal Par Soniya Sakht, PM Ko Hataane Ka Power https://www.angrejinews.com/pic/8284