Ashvani Filhaal Sef, Magar Bansal Par Lataki Talavaar

India »

Ashvani Filhaal Sef, Magar Bansal Par Lataki Talavaar

nai Delhi . . Kaanoon mantri ashvani Kumar aur rel mantri pavan bansal donon UPA sarkaar ke liye pareshaani ka sabab bane hue hain. Ashvani Kumar ke baare mein to naheen, lekin bansal ko cabinet se hataae jaane ki charcha shuroo ho gayi hai. Yah charcha guruvaar shaam ko hui cabinet baithak mein bansal ke shaamil na hone ke baad tej ho gayi. Haalaanki cabinet ki baithak ke baad keindreeya mantri maneesh tivaari ne fir kaha ki filhaal bansal ke khilaaf bhi kaarravaai ki koi baat naheen hai. Sootron ke mutaabik bansal aur ashvani Kumar se pradhaanamantri Manmohan Singh ne doori banaani shuroo kar di hai. Guruvaar ko ashvani Kumar ke pradhaanamantri se milne ki charcha media mein chhaai rahi. Baad mein khud ashvani Kumar ne in khabaron ka khandan karte hue mediakarmiyon ko bataaya ki unki guruvaar ko pradhaanamantri se mulaakaat naheen hui hai. Sootron ke mutaabik vah pradhaanamantri se milne gaye jaroor the, lekin mulaakaat naheen ho saki. Iske baad yah atakal lagaai jaane lagi ki pradhaanamantri ne ashvani Kumar se milna taal diya. Iska matlab yahi maana gaya ki Dr. Manmohan Singh unase doori banaana chaahate hain. Magar, sootron ke mutaabik ashvani Kumar ko ab bhi pradhaanamantri ka bharosa haasil hai. Vah unka isteefa lene ke mood mein naheen hain. Hamaare sahayogi samaachaar channel times naau ke mutaabik ashvani Kumar ka vibhaag badla ja sakta hai, magar vah sarkaar mein bane raheinge. Maana ja raha hai ki sarkaar par is maamale mein jitna bhi dabaav banana tha, vah ban chuka hai. Iske ulat bansal ke maamale mein dabaav lagaataar badhta ja raha hai. Jaise-jaise CBI jaanch aage badhegi yah dabaav bhi badhega. Aise mein pradhaanamantri unhein bachaakar apni jyaada fajeehat naheen karavaana chaaheinge. Sootron ke mutaabik guruvaar shaam ko bulaai gayi cabinet baithak mein is maamale ke tamaam pahaluon par vichaar-vimarsh kiya jaana tha. Iseeliye bansal ne is baithak se door rahane ka faisala kiya. Sootron ke mutaabik bahut sambhav hai ki isi baithak mein bansal par koi thos faisala ho jaae. Unke mutaabik sambhaavana yahi hai ki cabinet ferabadal ki aad mein un par kaarravaai ho taaki use saamaanya aur niyamit badlaav karaar diya ja sake. Jaanch poori hone se pehle kaarravaai naheen: Maneesh tivaari cabinet ki baithak ke baad samvaadadaataaon se baatcheet karte hue soochana evam prasaaran mantri maneesh tivaari ne kaha ki CBI rel mantri bansal se jude maamale ki jaanch kar rahi hai. Isliye jab tak yah jaanch kisi nateeje tak naheen pahunchati tab tak unke khilaaf kaarravaai karne ka koi tuk naheen hai. Kaanoon mantri ashvani Kumar ke baare mein unhonne kaha ki Supreme court ne us maamale mein jo kuchh kaha hai, use sanjnyaaan mein liya gaya hai aur sarkaar us baare mein jald hi uchit kadam uthaaegi. Magar, unhonne yah saaf kar diya ki ye kadam ashvani Kumar ke khilaaf naheen honge.

Ashvani Filhaal Sef, Magar Bansal Par Lataki Talavaar https://www.angrejinews.com/pic/8202