Aseemaanand Bole, Main Adaalat Se Hua Bari, Dhvast Hui Hindu Aatankvaad Ki Thiari

Breaking »

Aseemaanand Bole, Main Adaalat Se Hua Bari, Dhvast Hui Hindu Aatankvaad Ki Thiari

Nai Delhi Haal hi mein samjhauta express blaast mein bari hue svaami aseemaanand ne kaha ki hindu aatankvaad ka nairetiv gadha gaya, unhein hindu aur bhagava aatankvaad ka prateek bana diya gaya tha. Lekin ek ke baad ek teenon hi blaast maamalon se vah bari hue. Unka bari hona na sirf unke liye balki hindu va bhagava aatankvaad ki dhaarana ko bhi khatm karta hai. Aisi hi kai baaton par svaami aseemaanand ne navabhaarat times khulkar baatcheet ki. . . Savaal: Aap samjhauta blaast se bhi bari ho chuke hain. Aapke khilaaf teen-teen blaast ke maamale chale. Ek samay aapke alag-alag naam hote the aakhir aapki sachchaai kya hai? Javaab: Main pashchim Bengal se hoon. Vaheen meri padhaai likhaai hui. Vahaan ki university se maine emaesasi (fijiks) ki padhaai ki. Fir main Ram Krishnan paramahans aashram mein jaane laga vahaan vivekaanand ke siddhaant se prabhaavit hua. Svaami paramaanand se deeksha li aur fir vahaan mera naam svaami aseemaanand rakha gaya. Isse pehle mera naam nav Kumar sarkaar tha. Mai janajaatiyon ki seva mein lag gaya. Is dauraan pata chala ki janajaati samudaaya ke logon ka dharmaantaran karaaya ja raha hai. Maine unke beech hindutv ke baare mein jaagarukata paida ki aur logon ne ghar vaapasi shuroo kar di. Iske saath hi maine dharm parivartan ka virodh kiya. Isi kaaran mujhe jhoothe maamale mein tatkaaleen sarkaar ne fansaana shuroo kiya. Digvijya Singh vs saadhvi prajnyaa: Bhopal mein record voting kar rahi kya ishaara? Savaal: Samjhauta express blaast mein aapka naam kaise aaya. Aapke baare mein kaha jaata raha ki aap un dinon chhipe hue the? Javaab: Aisa nahi hai ki mai kabhi bhi chhipa. Main to apne aashram mein tha. Un dinon bhi mera mobile aiktivet tha. Agar chhipna hota to mobile kyon aiktiv rakhata. Maine TV mein dekha ki blaast maamale mein police meri talaash kar rahi hai. Mujhe hindu aatankvaad ka prateek banaaya gaya. Mujhe 19 November 2010 ko haridvaar se giraftaar kiya gaya. Mujh par samjhauta blaast ka jhootha aarop lagaaya gaya. Saadhvi prajnyaa ki had kyon tay karna chaahati hai BJP? Savaal: Lekin giraftaari ke baad aapne to gunaah bhi kabool liye the? Javaab: Police ne mere saath atyaachaar kiya. Main apna gunaah kabool kar loon, iske liye taurchar kiya gaya. Is taurchar se bhi mainne haar naheen maani. Iske baad ve mere bhaai ko jabaran utha laae aur mujhe dhamaki di ki meri maan ko bhi vah vahaan laaenge. Mainne tab unase kaha ki aap jaisa kehte hain main karne ke liye taiyaar hoon aur maine gunaah kabool kar liya, jo police ke dabaav mein kiya gaya tha. Unhonne kaha ki police ke saath-saath maijistret ke saamane bhi gunaah kabool karna hoga aur iske liye unhonne kaboolanaama likhkar diya taaki main use yaad kar sakoon aur maijistret ki court mein dohara sakoon. Police ne vah jhootha kaboolanaama taiyaar kiya aur use mainne yaad kar maijistret ke saamane bola taaki meri maan aur bhaai ko prataadit na hona pade. Lekin yeh sab shadayantr tha aur aakhir mein court ke saamane main bari hua, yeh baat saabit ho gayi ki main nirdosh tha. Dekha jaae to mujhe ek-ek kar teenon hi maamalon makka masjid blaast, Ajmer blaast aur samjhauta express blaast se bari kiya gaya kyonki police ne galat tareeke se mujhe fansaaya tha. 'Aseemaanand ko bari kiye jaane ko chunauti naheen degi NIA' Savaal: Aapka kehna hai ki aapko har maamale mein fansaaya gaya? Javaab: Bilkul. Mujhe tab sarkaari tantr ne fansaaya. Tab ki sarkaar ne hindu aatankvaad ka nairetiv gadha tha. Ek ke baad ek teen blaast mein mera naam joda gaya. Mujhe mukhya aaropi banaaya gaya. Yeh bataane ki koshish ki gayi ki hindu aatankvaad ya fir bhagava aatankvaad ke prateek hain aseemaanand. Lekin mujhe vishvaas tha ki main nirdosh hoon mera in baaton se koi lena dena naheen tha aur isi kaaran main aakhirkaar adaalat se bari hua. Tamaam aarop jhoothe saabit ho gaye. Mera kaboolanaama jo inhonne dabaav dekar likhvaaya gaya tha, aakhirkaar vah bhi jhootha saabit hua. Hindu aatankvaad bolakar na sirf mujhe balki samaaj ki badanaami hui thi, lekin adaalat par mera poora bharosa tha aur adaalat ne jab mujhe is maamale se bari kiya to hindu aur bhagava aatankvaad jaise nairetiv galat saabit hue. Digvijya par Modi ka tanj, 'Chaahein kitne havan kara lein. . . Paap dhuleinge naheen' Savaal: Aapke saath agar galat hua to aapne pehle ye sab kyon naheen kaha? Javaab: Main pehle apni baat kaise kah sakta tha. Mainne apna paksh court ke saamane rakha. Vaise bhi jab tak court doshi karaar na de tab tak samvidhaan kehta hai ki aaropi nirdosh hota hai. Main pehle din se nirdosh tha aur aakhir mein bari hua. Lekin bari hone se pehle main apni baat logon ke saamane naheen rakh sakta tha. Ab choonki main bari ho chuka hoon isliye apni baat rakh raha hoon ki mere saath kya-kya hua aur kaise mujhe taurchar se gujarana pada tha. Savaal: Saadhvi prajnyaa ne bhi daava kiya hai ki unhein fansaaya gaya hai aur taurchar bhi kiya gaya. Haalaanki unhein BJP ne ummeedavaar banaaya hai. Iske peechhe kya maksad hai? Javaab: Unako ummeedavaar banaaya jaana nairetiv ko todne ke liye hai. Pichhli sarkaar ne jis tarah se hamein jhoothe maamale mein fansaaya aur aakhirkar court se nyaaya mila. Ab pablik javaab degi. Ek galat avadhaarana hindu va bhagava aatankvaad ki failaai gayi thi, usaka javaab jaroori hai. Saadhvi prajnyaa ka chunaav ladaana usi ka javaab hai. Savaal: Aapne ab apne baare mein kya socha hai aage kya karna hai. Aap chunaav ladna chaahate hain? Javaab: Main pehle bhi samaaj seva mein tha aur aage bhi vahi karta rahoonga. Filhaal main isi mein laga hua hoon. Vaise main vest Bengal se hoon aur vahaan ke jo haalaat hain, vah chintaneeya hai. Jahaan tak saadhvi prajnyaa ki tarah chunaav ladne ka savaal hai to agar party ne chunaav ladne ke liye kaha to jaroor ladoonga.

Aseemaanand Bole, Main Adaalat Se Hua Bari, Dhvast Hui Hindu Aatankvaad Ki Thiari https://www.angrejinews.com/pic/274837