Asam Ke Mukhyamantri Tarun Gogoi Aaj De Sakte Hain Isteefa

Breaking »

Asam Ke Mukhyamantri Tarun Gogoi Aaj De Sakte Hain Isteefa

Tarun gogoi ki file tasveer Tarun gogoi ki file tasveer Nai Delhi: asam ke mukhyamantri tarun gogoi aaj Congress adhyaksh soniya Gandhi ko sambhavat: Apna isteefa saunp deinge. Gogoi ne Budhvaar ko samvaadadaataaon se kaha, mainne Congress adhyaksh se milne ka samay maanga hai. Agar mujhe mulaakaat ka samay mil gaya, to main apna isteefa unhein saunp doonga. gogoi ne haalaanki saath hi kaha ki unhein yeh naheen maaloom ki Gandhi unke isteefe ko sveekaar kareingi ya naheen, kyonki unki abhi unase baat naheen hui hai. Loksabha chunaav mein asam mein Congress ko kul 14 mein se teen seatein praapt hui hain. Chunaav parinaam aane ke baad 78-varsheeya gogoi ne shanivaar ko kaha tha ki vah ek saptaah ke andar isteefa de deinge. Gogoi 2001 se raajya ke mukhyamantri hain. yeh poochhe jaane par ki agar vah gambhir hain, to unhonne raajyapaal ko apna isteefa kyon naheen saunpa, varishth Congress neta gogoi ne kaha ki yeh isteefe ka patra Congress adhyaksh ko saunpana party ki parampara rahi hai.

Asam Ke Mukhyamantri Tarun Gogoi Aaj De Sakte Hain Isteefa https://www.angrejinews.com/pic/51346