Arvind Kejriwal Ki Patiala House Court Mein Peshi

Breaking »

Arvind Kejriwal Ki Patiala House Court Mein Peshi

Budhvaar ko Patiala house court ke baahar Arvind Kejriwal (file chitr) Budhvaar ko Patiala house court ke baahar Arvind Kejriwal (file chitr) Nai Delhi: aam aadmi party (aap) ke sanyojak aur Delhi ke poorv mukhyamantri Arvind Kejriwal ko aaj Patiala house court mein pesh kiya ja raha hai. court ne Budhvaar ko Kejriwal ko BJP ke poorv adhyaksh nitin gadkari ki maanahaani ke maamale mein bail bond na bharne ke baad do din ki nyaayik hiraasat mein tihaad jail bhej diya tha, jiske baad shaam ko aam aadmi party ke samarthakon ne tihaad jail ke baahar jamkar pradarshan kiya tha. Police ne etiyaatan tihaad jail ke aaspaas dhaara 144 laga di thi, lekin iske baavajood Kejriwal ke samarthak tihaad jail ke baahar dharane par jabaran baithe rahe. aam aadmi party ne Kejriwal ki giraftaari ke baad BJP ke poorv adhyaksh nitin gadkari ke khilaaf kathit bhoomi ghotaale ko lekar jan jaagrukta abhiyaan shuroo karne ka faisala kiya hai. 'Aap' ne kaha, party kisi bhi aise neta ko janta ki najar se naheen bachane degi, jo bhrashtaachaar mein shaamil hai aur vah bhrashtaachaar ke khilaaf ladaai mein apne raashtreeya sanyojak Arvind Kejriwal ke saiddhaantik rukh ke saath poori tarah khadi rahegi. Party sootron ka kehna hai ki gadkari ke khilaaf ghar-ghar jaane ka abhiyaan pehle hi shuroo kiya ja chuka hai.

Arvind Kejriwal Ki Patiala House Court Mein Peshi https://www.angrejinews.com/pic/51460