Arvind Kejriwal Ke Khilaaf Adaalat Ke Faisale Ko Chunauti Degi 'Aap

Breaking »

Arvind Kejriwal Ke Khilaaf Adaalat Ke Faisale Ko Chunauti Degi 'Aap

File photo File photo Nai Delhi: aam aadmi party (aap) ne guruvaar ko kaha ki yadi Patiala metropolitan adaalat ka faisala party pramukh Arvind Kejriwal ke khilaaf jaata hai to vah adaalat ke faisale ko chunauti degi. Is beech, party ne vyaapak star par janasanpark abhiyaan chalaane ka ailaan kiya hai. party ne adaalat ke kehne par jamaanati baand bharne ki sambhaavana se bhi inkaar kiya. Party ka kehna hai ki usane aisa naheen karne ka 'Saiddhaantik' faisala kiya hai. 'Aap' ke neta evam vakeel prashaant bhooshan ne yahaan ek samvaadadaata sammelan mein kaha, 'Humne adaalat ko bataaya hai ki un logon ko muchalaka bharne ki koi jaroorat naheen hoti jo yeh halafnaama dene ko taiyaar hote hain ki ve adaalati kaaryavaahiyon ke dauraan maujood raheinge. Ham adaalat ke saamane kal tathyon ko pesh kareinge. Jail mein kai gareeb isliye band hain kyonki ve muchalaka naheen bhar sakte. ' party ke varishth neta sanjaya Singh ne kaha, 'Ham muchalake ka bhugataan naheen kareinge kyonki yeh hamaare siddhaanton ke khilaaf hai. Yadi aadesh hamaare paksh mein naheen raha to ham oonchi adaalat mein nichli adaalat ke faisale ko chunauti deinge. '

Arvind Kejriwal Ke Khilaaf Adaalat Ke Faisale Ko Chunauti Degi 'Aap https://www.angrejinews.com/pic/51393