Apni Sharton Par Sannyaas Lein Sachin Tendulkar Rajiv Shukla

Cricket »

Apni Sharton Par Sannyaas Lein Sachin Tendulkar Rajiv Shukla

Nai Delhi. . BCCI ke senior adhikaari Rajiv shukla ka maanana hai ki sachin Tendulkar ke bhaarateeya cricket mein yogadaan ko dekhte hue is mahaan ballebaaj ko apni sharton par sannyaas lene ki sveekruti milni chaahiye. Shukla ne kaha, 'Bhaarateeya cricket mein unka (Tendulkar ka) yogadaan bahut bada hai. Kisi ko bhi unhein jaane ke liye kehne ki jaroorat naheen hogi. Jab sachin ko lagega ki samay aa gaya hai to vah khud hi chalein jaaenge. ' Tendulkar ne Australia ke khilaaf haal hi mein Bhaarat ki 4-0 ki jeet ke dauraan test shrrunkhala mein 32 ki ausat se run banaae aur sirf ek ardhashatak jada lekin shukla isse chintit naheen hain. Shukla ne 'Aaj tak' se kaha, 'Duniya mein kisi ka rekaurd Tendulkar se behtar naheen hai. Aap unhein halke mein lete hue najaraandaaj naheen kar sakte. ' shukla is tarah BCCI pramukh N shreenivaasan se sahamat dikhe jinhonne kaha tha ki Tendulkar se alag vyavahaar hona chaahiye. Budhvaar se shuroo ho rahe IPL-6 mein Sri Lanka ke khilaadiyon ke hissa lene se sambandhit vivaad ke sandarbh mein poochhane par shukla ne kaha ki board ne raajya (Tamil Nadu) sarkaar ki bhaavanaaon aur khilaadiyon ki suraksha ko dhyaan mein rakhate hue beech ka raasta nikaala hai. Shukla ne kaha, 'Hamaara faisala (Tamil Nadu ki mukhyamantri) jayalalita ke dabaav mein naheen kiya gaya. Ham Sri Lanka ke khilaadiyon ke jeevan ko mushkil mein naheen daal sakte. Sabse aham Sri Lanka ke cricketeron ki suraksha hai. Khilaadiyon ki suraksha ko dhyaan mein rakhane ke saath tamil bhaavanaaon ka bhi sammaan karte hue hamein beech ka raasta nikaalna tha. Apne raajyon mein kaanoon vyavastha ke liye mukhyamantri jimmedaar hain. ' unhonne kaha, 'Ham behad kam samay mein aayojan sthalon mein badlaav naheen kar sakte. Hamein aayojan sthal badalne ke liye do maheene, pitch taiyaar karne ke liye do maheene ki jaroorat hai. Isliye ham match chennai ke baahar naheen sthaanaantarit kar sakte the. Aisa naheen hai ki log naheen chaahate ki vahaan IPL match hon. Ve sirf itna chaahate hain ki chennai mein hone vaale maichon mein Sri Lanka ke khilaadi naheen khelein. Sri Lanka board ne jab yah sthiti sveekaar kar li to kisi ko koi samasya naheen honi chaahiye. Ham tamil bhaavanaaon ko najaraandaaj naheen kar sakte. '

Apni Sharton Par Sannyaas Lein Sachin Tendulkar Rajiv Shukla https://www.angrejinews.com/pic/3966