Apni Form Ko Vishv Cup Mein Jaari Rakhana Chaahata Hoon Shami

Cricket »

Apni Form Ko Vishv Cup Mein Jaari Rakhana Chaahata Hoon Shami

Mohali Bhaarat ke tej geindabaaj mohammad shami behatareen form mein chal rahe hain aur vah is firm ko Britain mein 30 May se shuroo ho rahe vishv cup ke dauraan jaari rakhana chaahate hain. IPL mein kings eleven Punjab ka pratinidhitv kar rahe shami ne mangalvaar ko yahaan kaha, 'Main Allah ka shukragujaar hoon ki mujhe desh ke liye vishv cup mein khelne ka ek aur mauka mil raha hai. Main apne career ki sarvashreshth fitness haasil kar chuka hoon, main achhi laya mein bhi hoon aur ise vishv cup mein lekar jaana chaahata hoon. ' Shami ne kaha ki vah apni fitness par lagaataar kaam kar rahe hain. Doosari baar Bhaarat ki vishv cup team mein jagah banaane vaale shami ne kaha, 'Main vaisi hi laya mahasoos kar raha hoon jaisi shuruaat (2013 mein antararaashtreeya padaarpan ke samay) mein kar raha tha. ' Bhaarat ke liye 63 ekadivseeya antararaashtreeya maichon mein 113 wicket chatakaane vaale is tej geindabaaj ne kaha, 'Khilaadiyon se lekar coaching staaf se lekar prabandhan sabhi ne mera samarthan kiya. Ab samay aa gaya hai ki main ise vaapas doon. ' Shami ne ekadivseeya antararaashtreeya maichon mein apni safal vaapasi ka shreya pichhle ek saal mein test cricket mein achhe pradarshan ko diya. Unhonne kaha, 'Yeh lambi yaatra hai. Main 2015 vishv cup mein khela, iske baad chotil ho gaya aur isse ubarane mein do saal ka samay laga. Rihaibiliteshan ke baad mainne 2016 vishv tee20 team mein jagah banaai. Iske kuchh samay baad mainne poorn aatmavishvaas haasil kar liya aur mahasoos karne laga ki main sahi raah par hoon. ' Shami ne kaha, 'Aapne 2018 mein dekha ki main niyamit roop se test cricket khela. Aatmavishvaas ka star kaafi ooncha hai, main usi gati se geindabaaji kar raha hoon jaise pehle kiya karta tha. Ummeed karta hoon ki main ise jaari rakhoonga. '

Apni Form Ko Vishv Cup Mein Jaari Rakhana Chaahata Hoon Shami https://www.angrejinews.com/pic/268158