Apni Dharati Par Kya Yah Sachin Ka Aakhiri Match Tha

Cricket »

Apni Dharati Par Kya Yah Sachin Ka Aakhiri Match Tha

Nai Delhi. . Kotla maidaan mein baitha har darshak soch raha tha ki kya Bhaarat ki sarajmeen par yah cricket ke Bhagwan kahe jaane vaale sachin Tendulkar ka aakhiri antararaashtreeya match tha? Bhaarat ki dharati par apne sanbhavat: Aakhiri test match mein sachin ne apne prashansakon ko niraash kar diya. Beshak series ki jeet ne unhein khush kiya tha, lekin ve duniya ke mahaanatam ballebaaj ko ghareloo pitch par sanbhavat: Apni aakhiri paari mein shaanadaar form mein dekhne ki hasarat liye aae the. Yah hasarat poori na ho paane ka gam andar kaheen barkaraar hi rah gaya. Jeet ki khushi us gam ki bharpaai naheen kar paai. Sachin ne pehli paari mein 32 run banaae the aur match ke teesare din ravivaar ko doosari paari mein vah ek run banaakar out ho gaye. Sachin ab shaayad Bhaarat mein test match na khel sakein kyonki Bhaarat mein ab test series 2014 ke baad hi kheli jaani hai. Vaise videshi dauron mein vah bhaarateeya test team ka hissa raheinge. Padhein khabar: Bhaarat ne 4-0 se series jeet kar racha itihaas sachin ne ravivaar ko jab ballebaaji ke liye maidaan mein kadam rakha to 30 hajaar se adhik darshakon ne khade hokar unka svaagat kiya. Logon ne sachin ko sir aankhon par bithaaya lekin unhein yah naheen pata tha ki unka chaheta star ek run banaakar pavilion laut jaaega. Sachin ke out hote hi Kotla mein sannaata pasar gaya. Darshak jab tak kuchh samajh paate tab tak sachin pavilion ki or aadha safar tay kar chuke the. Iske baad new pavilion end ke stainds mein baithe darshakon ne sachin ka abhivaadan kiya aur unke liye kisi live match mein antim baar taali bajaai. Ravivaar ko Kotla maidaan par match ka lutf lene ke liye 30 hajaar se adhik darshak pahunche. Is din darshakon ne bhaarateeya team ki geindabaaji aur cheteshvar pujaara tatha viraat Kohli ki ballebaaji ka bharpoor lutf uthaaya aur khel ke har pal ka maja liya. Sachin ka saste mein out hona unhein niraash kar gaya, lekin Bhaarat ke series jeetne ki khushi ne is gam ko kam kar diya. Shuruaat ke do dinon tak darshakon ki sankhya utsaahapoorn naheen thi, lekin ravivaar ko chhutti hone ke kaaran adhik se adhik sankhya mein darshakon ke pahunchane ki ummeed thi. Darshakon ne bhi test cricket ke prati apne pyaar ko jaahir kiya aur ab tak ki sabse badi sankhya mein match ka maja lene pahunche. Bhaarat ko apni dharati par agala test 2014 mein khelna hai jab Tendulkar 41 ke paar ho chuke honge. Isse pehle bhaarateeya team December mein dakshin Africa aur 2014 mein New Zealand jaayegi. In videsh dauron par sachin team mein raheinge kyonki kaiyon ka maanana hai ki Rahul david, VVS Lakshman aur sambhavat: Virendra Sehwag jaise mahaan khilaadiyon ke baahar hone ke kaaran unka hona team ko majabooti deta hai. Cricket panditon ka haalaanki maanana hai ki ab sachin Bhaarat mein kisi antararaashtreeya match mein najar naheen aaenge. Vaise saath hi vah yah bhi kehte hain ki aap Tendulkar ke baare mein koi kayaas naheen laga sakte. Bhaarateeya kaptaan Mahendra Singh Dhoni ne bhi match ke baad press conference mein media ko atakalabaaji se bachane ki salaah di. Dhoni se poochha gaya tha ki kya Tendulkar ne Bhaarat mein apna aakhiri test khela hai, is par unhonne kaha, 'Main aapko haan ya na mein javaab doonga. Aap (media) mujhse yahi savaal 2005 mein bhi poochh chuke hain. ' Pakistani tej geindabaaj vaseem Akram ne kaha ki Tendulkar ke dimaag ko padhna aasaan naheen hai lekin unhein lagta hai ki ghareloo sarjameen par yah unka aakhiri test tha. Unhonne kaha, 'Aisa lagta hai ki apni dharati par unhonne aakhiri test khel liya hai. Vaise Tendulkar ke baare mein kuchh kehna kathin hai. Yah kehna kathin hai ki unke jehan mein kya chal raha hai. Unke baare mein atkalein naheen lagaai ja sakti. ' Bhaarat ke poorv kaptaan dileep Vengsarkar ne kaha ki Tendulkar ko tay karna hai ki jab Bhaarat agali baar apni dharati par khelega to vah upalabdh honge ya naheen. Unhonne kaha, 'Vah Bhaarat ke mahaanatam khilaadi hain lekin main kisi ke niji career par tippani naheen karna chaahata. Vah khud apne career ke baare mein faisala leinge. Unhein tay karna hai ki bhaarateeya team jab agali baar Bhaarat mein khelegi to vah upalabdh honge ya naheen. '

Apni Dharati Par Kya Yah Sachin Ka Aakhiri Match Tha https://www.angrejinews.com/pic/3231