Anuchhed 370 Par Jaldabaaji Mein Koi Kadam Naheen Uthaae Kendra Maayaavati

Breaking »

Anuchhed 370 Par Jaldabaaji Mein Koi Kadam Naheen Uthaae Kendra  Maayaavati

Lucknow: bahujan samaaj party (basapa) mukhiya maayaavati ne Jammu-Kashmir mein laagoo anuchhed 370 ko lekar chhidi charcha ke beech kendra mein sattaaroodh Narendra Modi sarkaar ko aagaah kiya hai ki jaldabaaji mein koi aisa kadam naheen uthaaya jaana chaahiye, jisse desh ki ekta aur akhandata ke liye koi khatra paida hota ho. maayaavati ne samvaadadaataaon se baatcheet mein kaha, kendra ko yadi Jammu-Kashmir ke nyaayapoorn hit aur vikaas ke liye dhaara 370 hataana jaroori bhi lagta ho, to bhi jaldabaaji mein aisa koi kadam naheen uthaana chaahiye, jisse desh ki ekta akhandata ke liye khatra paida ho jaae. unhonne kaha ki yeh vivaad vibhinn dharm jaati ke logon mein vivaad paida karne ke liye jaanboojhkar khada kiya gaya hai. Is savaal par ki is mudde par basapa ki neeti kya hai, maayaavati ne kaha ki pehle kendra sarkaar apni neeti spasht kare. Basapa mukhiya ne Modi sarkaar ki kathani aur karni mein antar hone ka aarop lagaate hue kaha, jahaan tak kendra mein Modi sarkaar ki naitik baaton aur sujhaavon ka savaal hai, vah jameen par kaheen dikhaai naheen pad raha hai. unhonne kaha ki Modi ke shapathagrahan ke mauke par jin deshon ke raashtraadhyakshon ko aamantrit kiya gaya, khaaskar Pakistan ke pradhaanamantri navaaj shareef ko, to nai baat kya hui? Maayaavati ne kaha, navaaj shareef se yahi kaha gaya ki aatankvaad aur samvaad saath-saath naheen chal sakte. . . Ismein naya kya hai, isse pehle ki sarkaarein bhi yahi baat kehti rahi hain. maanav sansaadhan vikaas mantri smruti Irani ki shaikshik yogyata par uthe vivaad par basapa mukhiya ne kaha, savaal kam ya jyaada padhe-likhe ka naheen hai. Savaal yeh hai ki kya aisi mahila ko mantri banaana chaahiye tha, jismein apne shapath patra mein galat tathyon ki jaankaari di ho.

Anuchhed 370 Par Jaldabaaji Mein Koi Kadam Naheen Uthaae Kendra Maayaavati https://www.angrejinews.com/pic/52243