Antim Lamhon Mein Gol Ganvaakar Belgium Se Haara Bhaarat

Breaking »

Antim Lamhon Mein Gol Ganvaakar Belgium Se Haara Bhaarat

The Hague (Netherland): Bhaarat ke difeindars ne ek baar fir antim lamhon mein gol ganvaaya, jisse Belgium ki team match samaapt hone se 15 second pehle gol daagakar aaj yahaan hockey vishv cup mein 3-2 ki jeet ke saath apne abhiyaan ki shaanadaar shurooaat karne mein safal rahi. Belgium ki team antim minute ke khel se pehle 2-2 se baraabar hone ke kaaran hataash aur dabaav mein thi, lekin bhaarateeya defenderon ne unhein mauka de diya. John dohamen ne is mauke ka faayda uthaate hue antim minute mein gol daagakar apni team ki jeet sunishchit ki. antim minute mein hue is gol se doosare half mein Bhaarat ke achhe pradarshan par bhi paani fir gaya. Bhaarat ne ek gol se pichhadne ke baad doosare half mein vaapasi karte hue 2-1 ki badhat bana rakhi thi. match ka pehla gol Belgium ki or se 34vein minute mein floreint vaan obel ne daaga jisse team madhyaantar tak 1-0 se aage rahi. Manadeep Singh (45vein minute) aur Akashdeep Singh (50vein minute) ne haalaanki ek ek maidaani gol daagate hue Bhaarat ko 2-1 se aage kar diya. Belgium ne simon goganaard ke 56vein minute mein penalty corner par daage gol ki madad se baraabari haasil ki, jabki dohamen ne antim lamhon mein gol daagakar Bhaarat ki ummeedon ko tod diya. Bhaarat ne haalaanki Belgium ko penalty corner par safalta se kaafi had tak maharoom rakha. Belgium ko chhah penalty corner mile lekin team ismein se sirf ek ko hi gol mein badal pai. Bhaarat ko ekamaatr penalty corner 66vein minute mein mila lekin roopindar paal Singh ki drag flick cross baar se takaraane ke baad baahar chali gayi. Bhaarat ko apne agale match mein somvaar ko England se bhidna hai jabki Belgium ko bhi isi din Malaysia ka saamana karna hai. Pichhle saal ke Europeeya cup up vijeta Belgium ke khilaaf Bhaarat ki pichhle paanch maichon mein yeh chauthi haar hai.

Antim Lamhon Mein Gol Ganvaakar Belgium Se Haara Bhaarat https://www.angrejinews.com/pic/52363