Antariksh Yaatri Banane Ke Baare Mein Kabhi Socha Naheen Tha Suneeta Williams

Breaking » Monday, April 1, 2013

nai Delhi. . Sabse lambe samay tak antariksh ki udaan bharne waali mahila hone ka gaurav haasil kar chuki suneeta Williams ne bachapan mein kabhi socha naheen tha ki vah badi hokar antariksh yaatri baneingi. Yahaan naishanal science center mein chhaatron se baatcheet karte hue suneeta ne kaha, 'Mainne antariksh yaatri banane ki kabhi kalpana naheen ki thi. Mujhe kai baar naakaamiyaan bhi mileen lekin main antariksh mein pahunch gayi. ' bhaarateeya mool ki suneeta ab tak saat se jyaada baar antariksh mein chahalakadami kar chuki hain aur is dauraan unhonne kul 50 ghante 40 minute tak chahalakadami ki. Aisa karne waali vah duniya ki pehli mahila hain. Suneeta antariksh mein rahate hue poore Bhaarat ko nihaar chuki hain, lekin ab vah is desh ko najadeek se dekhna chaahati hain. Vah paanch saal baad Bhaarat I hain. Isse pehle unhonne 2007 mein Bhaarat ka daura kiya tha. Vah kehti hain, 'Yahaan kai aise sthaan hain, jahaan mujhe jaane ki jaroorat hai. Main kabhi dakshin Bhaarat naheen gayi. Main himaalaya ke kshetr mein bhi jaana pasand karoongi. ' suneeta ne kaha, 'Mere pita Ahmedabad se hain, isliye mainne Bhaarat ke kai hisson ko dekha hai. Is yaatra mein main poorvi Bhaarat ko dekhne ko lekar utsuk hoon. Main vahaan kabhi naheen gayi hoon. Main antariksh mein rahi hoon aur aise mein mainne adhikaansh Bhaarat ko dekha hai. ' unka janm 19 September, 1965 ko ohaayo praant mein huaa. Unke pita ka taalluk Gujarat se hai aur maan sloveniya se hain. Unhonne kaha ki vah antariksh mein apne saath upanishd aur bhagavadgeeta le gayi theen. Suneeta ne kaha, 'Main apne safar mein samosa bhi le gayi thi. Ise khaane ki bhookh kabhi khatm naheen hoti. ' kalpana Chawla vaale antariksh yaan Columbia se jude haadase ke baare mein suneeta ne kaha, 'Yah dil dahala dene vaala tha. Meri praarthana hai ki bhavishya mein koi aur is tarah ke haadase ka anubhav naheen kare. ' unhonne kaha ki vah maujooda peedhi ke bachchon se khaasi prabhaavit hain. Unka maanana hai ki teknaulaji nai peedhi ke liye varadaan saabit hui hai.