Anna Ki Aaj Se Amrutasar Se 'Jantantra Yaatra

Breaking » Sunday, March 31, 2013

Amrutasar. . Social aiktivist anna hajaare ravivaar se amrutasar ke jaliyaanvaala baag se apni 'Jantantra yaatra' ki shuruaat karne ja rahe hain. Ab tak ke kaaryakram ke anusaar, vah apne saathiyon ke saath shaam paanch baje Jalandhar pahuncheinge aur ek vishaal rally ko sambodhit kareinge. Maana ja raha hai ki is rally mein hajaaron log shaamil ho sakte hain. Is yaatra ke peechhe maksad hai, maujooda kendra sarkaar ki neetiyon ke virodh mein tatha majaboot Lokpal vidheyak laane ke liye samarthan jutaana. Vaise anna yah pehle hi saaf kar chuke hain ki unke netrutv vaala janataantrik morcha chunaavi maidaan mein naheen utarega lekin agale Loksabha chunaav se pehle poore desh ki aam janta ko jaagaruk karne ke apne kaam par laga rahega. Jantantra morcha ki or se bataaya gaya tha ki anna ki Punjab yaatra 31 March se shuroo ho rahi hai. 31 ko Jalandhar mein rally ko sambodhit karne ki bhi anna ki yojana hai.