Aniyamitata Ke Aarop Mein 6 Adhikaari Suspend

India »

Aniyamitata Ke Aarop Mein 6 Adhikaari Suspend

IANS . Lucknow uttar pradesh ke mukhyamantri Akhilesh Yadav ne aayurved nideshaalaya aur shaasan ke chhah adhikaariyon va karmachaariyon ko gadbadi ke aarop mein suspend kar diya hai. Unke khilaaf kaarravaai ke nirdesh diye gaye hain. Mukhyamantri ne is maamale ko gambhir maanate hue iski jaanch satarkata vibhaag se karaane ko kaha hai. Sarkaari pravakta ne yah jaankaari dete hue bataaya ki aayurved nideshaalaya ke adhikaariyon, karmachaariyon aur shaasan ke chikitsa shiksha vibhaag ke adhikaariyon, karmachaariyon ki mileebhagat se saal 2010 mein lagbhag 800 chikitsa adhikaariyon ko aniyamit tareeke se vetan sahit kai laabh tay taareekh se pehle diya gaya, jisse shaasan ko lagbhag 200 karod rupaye ki aarthik kshati hui. Saspeinded adhikaariyon, karmachaariyon mein shradgha mishra (tatkaaleen nideshak aayurved sevaaen) jaaved ehateshaam (tatkaaleen up sachiv chikitsa anubhaag-2), pradeep upaadhyaaya ( tatkaaleen sameeksha adhikaari, chikitsa shiksha anubhaag-2), pee see chaudhari (tatkaaleen vitt niyantrak aayurved nideshaalaya), mangal datt trivedi (tatkaaleen sahaayak aushadhi niyantrak) aur shashidhr shukla (tatkaaleen kshetreeya aayurved evam yoonaani adhikaari, baaraabanki) shaamil hain. Mukhyamantri ne maamale ki jaanch satarkata vibhaag se karaae jaane ke saath hi jin janapadon ke mukhya chikitsa adhikaariyon (seeemao) ne aniyamit tareeke se chikitsa adhikaari ko apne star se samayamaan vetanamaan ka laabh diya hai, unke khilaaf kaarravaai ka nirdesh diya hai.

Aniyamitata Ke Aarop Mein 6 Adhikaari Suspend https://www.angrejinews.com/pic/4934