Angrejon Se Jyaada Apanon Ne Desh Ko Loota Anna Hajaare

India »

Angrejon Se Jyaada Apanon Ne Desh Ko Loota Anna Hajaare

hisaar. . Desh mein bhrashtaachaar ke khilaaf jang lad rahe samaaj sevi anna hajaare ne kaha ki angrejon se jyaada apanon ne desh ko loota hai. Unhonne kaha ki vah na to aagaami Loksabha chunaav ladeinge aur na hi kisi party vishesh ko samarthan deinge. Maujooda sthiti mein unhein samaajaseva hi ekamaatr vikalp najar aa raha hai. Unhonne shanivaar ko hisaar jile ke naaranaund kasabe mein jantantra yaatra ke tahat ek janasabha ko sambodhit kiya. Unhonne ailaan kiya ki vah deshbhar mein jantantra yaatra poorn kar 6 maheene baad Delhi mein janasansad bulaaenge. Delhi mein hogi rally anna ne kaha ki jab tak aam janta jaagruk naheen hogi, tab tak desh mein badlaav naheen aaega. Desh mein agar parivartan chaahate hain to sabse pehle vyavastha mein parivartan laana hoga. Unhonne bataaya ki desh ki vyavastha parivartan ke liye 6 maheene baad Delhi mein ek vishaal rally ka aayojan kiya jaaega, jise jan sansad naam diya gaya hai. Aandolan se bane kaanoon anna ne kaha ki vah Maharashtra mein pichhle 30 saal se aandolan karte aae hain, usi ki badaulat vahaan ki sarkaaron ko 7 nae kaanoon banaane pade. Unhonne kaha ki vah to fakeer hain, mandir mein rahate hain, apna sab kuchh desh aur samaaj ki seva ke liye samarpit kar rakha hai. Unhonne bataaya ki vah 40 saal se apne ghar bhi naheen gaye. Vah apne bhaaiyon ke bachchon ke naam tak naheen jaante. Bhrashtaachaar par ho kaanoon unhonne kaha ki pichhle 2 saal se bhrashtaachaar ke khilaaf kada kaanoon banaane aur vyavastha parivartan ke liye niyam banaane ki maang ko lekar aandolan karte aa rahe hain, lekin kendra sarkaar sunavaai naheen kar rahi hai. Unhonne daava kiya ki ek din sarkaar ko jhukna padega.

Angrejon Se Jyaada Apanon Ne Desh Ko Loota Anna Hajaare https://www.angrejinews.com/pic/4712