Andhra Pradesh Baarish Ki Maar Ki Vajah Se Kidni Bechne Ko Majaboor Kisaan

Breaking »

Andhra Pradesh  Baarish Ki Maar Ki Vajah Se Kidni Bechne Ko Majaboor Kisaan

Guntoor: Andhra pradesh ke guntoor ke kisaan appa Rao ke paas jab koi chaara naheen bacha to usane apni kidni bech di. 30 saal ke is kisaan Kareeb ek saal pehle apni kidni bechi thi. Use tab dalaal dvaara kaha gaya tha ki kidni ke liye saadhe chaar lakh rupaye diye jaaenge. Appa ko dalaal tamaam kaagajaat dikhaae aur bataaya ki poori prakriya kaanoon ke tahat ho rahi hai. Un kaagajaaton mein tamaam sarkaari adhikaariyon aur doctoron ke dastakhat the. In poore kaagajaaton mein yah kaha gaya ki appa Rao ne apni kidni apni marji se paane vaale ke prati lagaav ki vajah se daan mein di hai. Is prakriya ke poore hone ke baad appa Rao ko maatr ek tihaai rakam hi di gayi. Apni kidni ko 'Bech' dene ke nirnaya ka kaaran bataate hue appa Rao ne kaha ki 2009 mein baarish ki vajah se unki fasal poori tarah badbaad ho gayi. Fir chhota kaarobaar karne ke liye appa ne baajaar mein niji vyavasaayi se oonche byaaj par paisa liya tha. Byaaj ki vajah se maasik shulk bahut jyaada ho gaya tha. Iske baad jaise hi kidni bechne ka prastaav appa nakaar naheen paae. Jab appa ne is baare mein apne ghar mein charcha ki tab usaki beevi aur maan ne aisa kuchh bhi karne mana kar diya lekin mainne kaha ki ab aatmahatya karne ke alaava koi aur chaara bhi naheen rah gaya hai. Appa ne kaha, dalaal ne dhokha diya aur kareeb do lakh se jyaada rupaya naheen diya. Lekin main ab kisi se kuchh kah bhi naheen sakta. Ab meri sehat kharaab ho chuki hai. Kaam naheen kar sakta. Mujhe apna gaanv chhodna pada hai aur naam chhupaakar rahana pad raha hai. Bata dein ki Andhra ke guntoor mein tamaam kisaan mirch aur kapaas ki kheti karte hain. Sookha, toofaan aur gair-mausami baarish ne unki fasal ko chaupat kar diya hai. Sthaaneeya logon ko appa Rao ki kahaani se jyaada fark naheen padta hai. Palaanaadoo ilaake ke bhi tamaam kisaanon ki bhi lagbhag yahi kahaani hai. Haalaat ab yah ho gaye hain ki kuchh ab khud hi dalaali ka kaam karne lage hain. In maamalon ka kaagajaat bataate hain ki kidni nikaalne ki surgery Hyderabad ke bade aspataalon mein ki gayi hai aur poori kaanooni prakriya ka paalan karte hue. Tamaam kidni bechne vaale apna naam tak bataane ko raaji naheen hote hain. Unhein lagta hai ki aisa karne se ve khud kaanooni pachade mein fans jaaenge. Varishth police adhikaari ka kehna hai ki in maamalon mein kaarravaai karke bhi koi faayda naheen hoga kyonki court mein kaagajaat par sab nirbhar karta hai. Abhi tak in maamalon mein ek bhi case darj naheen kiya gaya hai. Raajya ke maanavaadhikaar aayog ne ab sarkaar ko likha hai ki maamale ki poori jaanch kar vaastavik sthiti par report dein. Aayog ne poochha hai ki aakhir kaise is tarah maanav angon ke pratyarpan ka gair-kaanooni kaam chal raha hai. April ke ant tak is report ke aane ki sambhaavana hai.

Andhra Pradesh Baarish Ki Maar Ki Vajah Se Kidni Bechne Ko Majaboor Kisaan https://www.angrejinews.com/pic/2497