Amrutasar Se 'Doosare Svaadheenata Sangraam Par Nikle Hajaare

Breaking »

Amrutasar Se 'Doosare Svaadheenata Sangraam Par Nikle Hajaare

Amrutasar. . Punjab se apni 'Jantantra yaatra' ki shuruaat karte hue saamaajik kaaryakarta anna hajaare ne ravivaar ko ise doosare svaadheenata sangharsh ki shuruaat bataaya taaki desh ko bhrasht netaaon se bachaaya ja sake. Unhonne kaha, 'Mere liye ab 'Jantantra yaatra' desh ko bhrashtaachaar evam bhrasht netaaon se bachaane ke liye doosra svatantrata aandolan hai. ' netaaon par barasate hue unhonne aarop lagaae ki adhiktar neta 'Gunde' hain jo aaparaadhik maamalon ka saamana kar rahe hain. Anna ne spasht kar diya ki unka ya unke kaaryakartaaon ka Loksabha chunaav ladne ya paisa ikattha karne ka koi iraada naheen hai. Hajaare ne amrutasar se 40 kilometer door raaya shahar mein ek rally ko sambodhit karte hue kaha ki 'Jantantra yaatra' ka ekamaatr maksad aagaami chunaavon ke liye imaandaar ummeedavaar laana hai taaki aaparaadhik evam bhrasht prushthabhoomi vaale aparaadhiyon ko chunaav se door rakha ja sake. Isse pehle samarthakon ke chhote samooh ke saath 75 saal ke anna ne yaatra shuroo karne se pehle durgayaana mandir evam svarn mandir mein pooja-archana ki aur jaaliyaanvaala baag mein shaheedon ko shraddhaasuman arpit kiye. Jaliyaanvaala baag ke baahar logon ke samooh ko sambodhit karte hue hajaare ne kaha ki jan aandolan ke maadhyam se hi desh mein badlaav laaya ja sakta hai. Unke saath poorv sena pramukh vi. Ke. Singh bhi the. Hajaare ne kaha ki paanch maheene ke baad Delhi ke raamaleela maidaan mein ek badi janasansad aayojit ki jaaegi jo is bhrasht sarkaar ke bhaagya ka faisala karegi. ' unhonne kaha ki 'Jantantra yaatra' ke banner tale 25 sootri agenda ki maang ke liye jan rally ka aayojan kiya ja raha hai taaki aagaami Loksabha chunaav se pehle Congress neet UPA sarkaar ke khilaaf logon ka samarthan haasil kiya ja sake aur jan Lokpal bill par hue dhokhe se logon ko avagat karaaya ja sake. Lokpal bill par pradarshan vifal rahane aur team anna mein bikhraav ke baad hajaare ne 'Jantantra morcha' ki shuruaat ki thi. Hajaare iske baad chhah vaahanon ke kaafile ke saath nikal pade aur raaya evam byaas shaharon se hote hue kapoorathala evam Jalandhar pahuncheinge. 'Jantantra yaatra' ke pehle charan ke dauraan Punjab mein vah aath saarvajanik railiyon ko sambodhit kareinge. Hajaare ne apni beeti jindagi ke baare mein bataaya aur kaha ki Punjab hamesha unke liye prerana ka srot rahega. Unhonne kaha ki 1965 mein Bhaarat-Pakistan yuddh ke dauraan Punjab mein unhein 'Doosari jindagi' mili kyonki yuddh ke dauraan vah baal-baal bache the. Unhonne kaha ki yuddh ke samay vah khemakaran sector mein the jahaan bhaarateeya sena ko jeet mili. Hajaare ne kaha ki yuddh ke samay unke saathi maare gaye aur havaai hamle mein vah 'Gambhir' roop se jakhmi ho gaye the. Rally ko sambodhit karte hue hajaare ne kaha, 'Bach jaane ke baad mainne faisala kiya ki baaki jindagi desh ki seva karoonga aur shaadi naheen karoonga.

Amrutasar Se 'Doosare Svaadheenata Sangraam Par Nikle Hajaare https://www.angrejinews.com/pic/3967