Amit Shaah Ko Supreme Raahat

India »

Amit Shaah Ko Supreme Raahat

pras . Nai Delhi: BJP ke general sekretari amit shaah ko Supreme court se thodi raahat mili hai. Supreme court ne tulaseeraam prajaapati murder case mein amit shaah ke khilaaf alag se trial chalaane se CBI ko rok diya. Supreme court ne soharaabuddeen shekh farji enakaauntar case ke saath is case ko chalaane ka aadesh diya. Supreme court ne kaha ki CBI shaah ke khilaaf alag se case daakhil naheen kar sakti, kyonki CBI ne pehle khud kaha tha ki donon murder case ek hi saajish ka hissa hai. Iske baad hi Gujarat police se lekar is maamale ko CBI ke havaale kiya gaya tha. Adaalat ne is maamale mein case ko radd karne ka aadesh dete hue kaha ki prajaapati aur soharaabuddeen murder case ek saath chalega, kyonki donon hi maamala ek hi saajish ka hissa hai aur aise mein is maamale mein alag-alag trial naheen chal sakta. Supreme court ne kaha ki CBI ne khud hi is court mein jo stand liya tha, uske tahat doosari FIR aur chargesheet samvidhaan ke praavadhaanon ke khilaaf hai. Case mein pehle se darj FIR va chargesheet par adaalat sanjnyaaan le chuka hai. Supreme court ke Justice pi. Sathaasivm ki aguvaai waali bench ne kaha ki prajaapati aur soharaabuddeen ki hatya ek hi saajish ka part hai aur aise mein donon maamalon mein alag se trial naheen chale sakta.

Amit Shaah Ko Supreme Raahat https://www.angrejinews.com/pic/4945