Amit Ke Jariye UP Mein Modi Ki Entry

Breaking »

Amit Ke Jariye UP Mein Modi Ki Entry

Nai Delhi. . Loksabha chunaav kareeb aate dekh BJP ne apni rananeeti par amal karna shuroo kar diya hai. Isi rananeeti ke tahat Narendra Modi ke kareebiyon ko mahatvapoorn jimmedaariyaan di ja rahi hain. Party ne Modi ke kareebi amit shaah ko UP ki baagdor saunpi hai. Daraasal BJP ne amit shaah ko UP mein party ki kamaan saunpakar ek test kiya hai. BJP sootron ka kehna hai ki pichhle vidhaanasabha chunaav mein usane OBC voteron ko lubhaane ki koshish ki thi, lekin usaka yah daanv khaali chala gaya. Us vakt Modi prachaar ke liye bhi UP naheen gaye the. Us vakt haalaanki Modi, tatkaaleen BJP aalaakamaan se khafa the lekin yah bhi kaha ja raha tha ki BJP ko khatra hai ki Modi ke jaane se agar muslim voton ka dhruveekaran huaa to use nuksaan ho sakta hai. Lekin ab BJP ke kai neta maanate hain ki is baar jis tarah se Modi ki imej nikhr kar saamane I hai. Us sthiti mein agar dhruveekaran hota hai to na sirf musalmaanon mein balki hindu voteron mein bhi hoga. Isse Loksabha chunaav mein BJP faayda utha sakti hai. Maana ja raha hai ki BJP voton ke dhruveekaran ki ummeed se hi amit shaah ko UP lekar ja rahi hai, taaki vah vahaan jaakar Modi ke liye jameen taiyaar kar sakein. Haalaanki yah jaroori naheen hai ki Modi ko chunaav ladvaaya hi jaae. Bina chunaav ladvaae bhi BJP, Modi ke jariye UP mein bada khel karne ka prayaas kar sakti hai. Mahatvapoorn yah hai ki unke saath Rajnath ne apne najadeeki teen sahaprabhaari bhi jode hain, taaki vahaan amit shaah ko kaamkaaj mein kisi tarah ki dikkat na aane di jaae. Chunaavi raajyon par najar haalaanki party ne ravivaar ko 30 prabhaari ghoshit kiye hain lekin party ka sabse jyaada focus un raajyon par hai, jahaan jald hi chunaav hone ja rahe hain. Inmein madhya pradesh, Chhattisgarh aur Rajasthan hai. Haalaanki Delhi mein bhi chunaav hone hain lekin abhi Delhi ko lekar kisi ko prabhaari naheen banaaya gaya hai. Haalaanki Delhi mein prabhaari ke liye ravishankar prasaad ka naam liya ja raha tha lekin filhaal us naam ko roka gaya hai. Daraasal, party Delhi jaise raajya mein 15 saal se satta se baahar hai. Haalaanki is baar Rajnath ne Delhi BJP ki kamaan apne vishvasaneeya vijay Goyal ko di hai. Yahi vajah hai ki Delhi ke liye party jaldabaaji mein kuchh naheen karna chaahati. Alabatta madhya pradesh ke liye party ne apne mahaasachiv anant Kumar ko aur Chhattisgarh ke liye J. Pi. Nadda ka prabhaari banaaya hai. Rajasthan mein bhi chunaav hai aur vahaan party ne kaptaan Singh ko hi prabhaari banaae rakha hai. Isi tarah se party ne varun Gandhi ko pashchim Bengal ka prabhaari banaakar yah sanket diya hai ki vah is yuva neta ko aur ahamiyt dene ja rahi hai.

Amit Ke Jariye UP Mein Modi Ki Entry https://www.angrejinews.com/pic/9065