Amethi Mein Jahareeli Sharaab Se Marne Vaalon Ki Sankhya Badhkar Aath Hui

India »

Amethi Mein Jahareeli Sharaab Se Marne Vaalon Ki Sankhya Badhkar Aath Hui

Amethi. . Uttar pradesh ke amethi jile mein Budhvaar ko jahareeli sharaab peene se do aur logon ki maut ke saath is vaaradaat mein marne vaalon ki sankhya badhkar aath ho gayi. Aadhikaarik sootron ne yahaan bataaya ki shukulabaajaar kshetr ke mahona pashchimi gaanv mein chhah May ki raat ek dukaan se khareedi gayi sharaab peene ke baad mangalvaar ko kuchh logon ko ulti-dast ki shikaayat hone par jagadeeshapur aspataal mein bharti karaaya gaya tha, jahaan Budhvaar ko Shiv Kumar (40) tatha kalloo (50) ki bhi maut ho gayi. Unhonne bataaya ki jahareeli sharaab peene se jayanaath Yadav, Shiv Narayan vishvakarma, naatedaar, shyaam bahaadur paasi, jamaal Ahmad aur shyaam bahaadur naamak vyaktiyon ki mangalvaar ko hi maut ho gayi thi. Is beech, jilaadhikaari jagataraaj tivaari ne bataaya ki aabakaari vibhaag ke nireekshak raveendr prasaad tatha do anya karmiyon ko laaparavaahi ke aarop mein nilmbit kar diya gaya hai aur maamale ki magistrate se jaanch karaane ke aadesh diye gaye hain. Jahareeli sharaab peene se mangalvaar ko chhah logon ki maut hone ke baad aabakaari vibhaag ki teemon ne Budhvaar ko jile mein avaidh roop se sharaab banaane ke sambhaavit thikaanon par chhaapemaari ki aur salon tatha hathakila ilaakon mein deshi sharaab ke kuchh thekon ko band kara diya. Udhar, raajya ke khanan raajyamantri gaayatri prajaapati ke mutaabik raajya sarkaar ne vaaradaat mein maare gaye logon ke parijanon ko paanch lakh rupae tatha lohiya aavaas evam sambandhit vidhva mahilaaon ko peinshan dene ka elaan kiya hai.

Amethi Mein Jahareeli Sharaab Se Marne Vaalon Ki Sankhya Badhkar Aath Hui https://www.angrejinews.com/pic/8082