Ameriki Yuddhapot Uttar Koreai Tat Ke Nikat Pahuncha
World » Tuesday, April 2, 2013
Washington. . Koreai praayadveep mein badhte tanaav ke beech America apna ek yuddhapot aur samudra aadhaarit redaar pranaali samet pramukh sainya harbe-hathiyaar uttar Korea tat ke najadeek le ja raha hai. Ameriki TV channel seeenaen ki ek report ke anusaar ameriki vidhvansak pot yooesaes John S maikakain aur esabeeeks-1 se us ilaake mein nausainik tainaati ki shuruaat ho sakti hai. Pentagon ke press sachiv George little ne bataaya, 'Main sabhi se aagrah karoonga ki vah is pot ki tainaati ko dakshin Korea mein haal ke sainya abhyaason se alag rakhein. Asia prashaant kshetr mein hamaare poton ki niyamit aavaajaahi hai aur ham apne poton ki aavaajaahi ka upayog dher saare uddeshyon se karte hain. ' little ne kaha, 'Main Koreai praayadveep ke haal ke tanaavon ke saath-saath ise jodne par behad satark rahoonga. ' America ki taraf se kadam dakshin Korea ke saath sanyukt sainya abhyaas ke baad uthaaya gaya hai. Sainya abhyaas mein parmaanu kshamata vaale bi-2 steelth bamavarshak aur bi-52 tatha ef-22 raiptar steelth vimaanon ka upayog kiya gaya tha. Pentagon ke press sachiv ne kaha, 'Ham kisi galat aakalan ke prati chintit hain. Galat aakalan aur jokhim se bachana spasht roop se hamaara lakshya hai. Ham praayadveep mein shaanti aur sthirta ka raasta chunana chaahate hain. Uttar Koreai haal ke dinon mein kathani aur karni donon mein ukasaavebaajiyon ki series se jude rahe. ' little ne kaha, 'Unke liye vakt aa gaya hai ki ve apne antararaashtreeya jimmedaariyaan nibhaaen aur shaanti ki raah chunein. ' unhonne kaha ki America ne uttar Koreai paksh ki taraf aisi kisi tarah ki sainya gatividhiyaan naheen dekhi hai jo kisi tatkaal sainya kaarravaai ki taraf ishaara karti ho. Ameriki adhikaari ne kaha, 'Ham samajhte hain ki Koreai praayadveep mein cheejein kuchh aasaan hongi. Kam se kam ho aisi ummeed karte hain. Svaabhaavik roop se ham kisi aapaat sthiti ke liye taiyaar hain. ' is beech, dakshin Korea ke videsh mantri yoon byoong-se yahaan ameriki videsh mantri se milne vaale hain. Ummeed ki ja rahi hai ki is mulaakaat mein kshetr mein khatre aur suraksha haalaat par charcha hogi. '