Ameriki Vitt Mantri Ne Phone Par Jetali Se Ki Baatcheet
Breaking » Wednesday, June 4, 2014
Washington: ameriki vittamantri Jacob liyoo ne Bhaarat ke vittamantri arun jetali ko phone kar unhein badhaai di aur nai sarkaar ke aarthik agende par charcha ki. Unhonne bhaarateeya arthavyavastha mein sudhaar ke sarkaar ke prayaason mein sahaayata ki peshakash ki. donon netaaon ke beech baatcheet ke baad vitt vibhaag ke ek adhikaari ne bataaya, mantri leeyoo ne haal ke varshon mein ameriki vitt tatha Bhaarat sarkaar ke beech viksit uchch stareeya dwipaksheeya sahayog jaari rakhane ki ichha jataai. Adhikaari ne kaha, leeyoo ne jetali ko vitt mantri banane ki badhaai di aur kaha ki donon deshon ke liye mahatvapoorn tatha vaishvik arthavyavastha se jude maamalon mein saath kaam karne ko lekar unka najariya sakaaraatmak hai. usane bataaya, donon netaaon ne Bhaarat ki nai sarkaar ke aarthik agende par bhi charcha ki aur bhaarateeya arthavyavastha mein sudhaar ke liye sarkaar ke prayaason mein samarthan ki peshakash ki. Jetali ke vitt mantri banane ke baad donon netaaon ke beech yeh pehli baatcheet thi.