Ameriki Raksha Mantraalaya Ne Sabhi Ef 35 Ladaakoo Vimaanon Ki Udaan Roki

Breaking »

Ameriki Raksha Mantraalaya Ne Sabhi Ef 35 Ladaakoo Vimaanon Ki Udaan Roki

Washington: Ameriki sena ne vaayu sena, nausena aur marine mein istemaal kiye jaane vaale apne ef 35 ladaakoo vimaanon ke poore bede ki udaanon par asthaayi roop se rok laga di hai. Ek niyamit pareekshan ke dauraan ek vimaan ke engine blade mein daraar paae jaane par yah faisala kiya gaya. Raksha mantraalaya ne ek bayaan mein kaha ki sabhi ef 35 jet vimaanon ki udaanon ko jaanch poori hone tak rok diya gaya hai. Bayaan mein kaha gaya ki haal mein saamane I kami ka poore bede par kya asar hai yah jaanane mein abhi samay lagega. Ef 35 ke sanyukt kaarya adhikaari kareebi se tamaam vimaanon ka nireekshan kar rahe hain, taaki engine ki kaaryakushalata ko sunishchit karne ke saath hi jald se jald poore bede ko surakshit tareeke se dobaara unke niyamit kaamkaaj par lagaaya ja sake. Raksha mantraalaya ne kaha ki California ke Edwards air fors thikaane par niyamit jaanch ke dauraan ek vimaan ke engine blade par daraar ka pata chala. 'New York times' ka kehna hai ki vimaanon ke nilanban ka yah aadesh aise samay mein aaya hai, jab sena asahaj sthiti ka saamana kar rahi hai. Sena ko bajat katauti ka saamana karna pad raha hai, jiski vajah se usaki vimaanon ki khareed ki prakriya dheemi ho sakti hai. Ef 35 vimaan ek seat aur ek engine vaale atyaadhunik ladaakoo vimaan hain. Yah jameeni hamle, toh lene, nigraani aur vaayu suraksha abhiyaanon jaise bahut se kaaryon ko bakhoobi anjaam day sakte hain.

Ameriki Raksha Mantraalaya Ne Sabhi Ef 35 Ladaakoo Vimaanon Ki Udaan Roki https://www.angrejinews.com/pic/2636