Ameriki Raashtrapati Barack Obama Ne Narendra Modi Ko Di Badhaai

Breaking »

Ameriki Raashtrapati Barack Obama Ne Narendra Modi Ko Di Badhaai

File photo File photo Ahmedabad/Washington: ameriki raashtrapati Barack Obama ne shukravaar raat Narendra Modi ko telephone karke unhein Loksabha chunaavon mein shaanadaar jeet ki badhaai di. Is baatcheet mein donon netaaon ne bhaarateeya-ameriki rananeetik saajhedaari aur vaishvik aarthik sthiti par charcha ki. Obama ne Modi se kaha ki vishv ke sabse bade lokatantr ne nirnaayak janaadesh diya hai. Ameriki neta ne aasha jataai ki Modi ke netrutv mein Bhaarat vaishvik star par asaradaar bhoomika nibhaaega. Washington mein, white house ke press sachiv J kaarni ne kaha ki pradhaanamantri banane ja rahe Narendra Modi ka America mein daure ke liye svaagat hai. America Gujarat ke dangon ke chalte 2005 se Modi ko visa dene se inkaar karta raha hai. chunaav parinaam aane ke kuchh ghanto baad white house ne vishvaas jataaya ki Modi sarkaar ke antargat Bhaarat-America rishte pragaadh honge. kaarni ne visa mudde ke baare mein poochhe jaane par apne dainik samvaadadaata sammelan mein kaha, 'Bhaarat ke pradhaanamantri ko America ki yaatra ke liye visa milega. Hamein nai sarkaar aur nae pradhaanamantri ke saath milkar kaam karne ki ummeed hai. Mujhe is sambandh mein koi samasya naheen lagti. ' kaarni ne kaha, 'Bhaarat ke pradhaanamantri ka America mein svaagat kiya jaaega. ' san 2005 mein ameriki videsh vibhaag ne 2002 mein Gujarat dangon ke baad kathit maanavaadhikaar ullanghanon ke aadhaar par America mein yaatra ke liye Modi ka visa vaapas le liya tha. America baar baar kehta raha hai ki usaki Modi ko lekar visa neeti mein koi parivartan naheen aaya hai aur vah kisi anya aavedanakarta ki tarah visa ke liye aavedan kar sakte hain aur usaki sameeksha ka intajaar kar sakte hain. Lekin jab February mein Bhaarat mein usaki raajadoot nainsi paavel ne Ahmedabad mein Modi se mulaakaat ki to America ne baayakaat ki is neeti mein parivartan ka sanket diya. kaarni ne kaha, 'Ham is aitihaasik chunaav mein bahumat haasil karne par bhaajapa aur Narendra Modi ko badhaai dete hain. ' kaarni ne Bhaarat-America rishton ko 'Mahatvapoorn' bataate hue kaha 'Raashtrapati Modi se sampark kareinge. Aur jaisa maine kaha hai, ham is aitihaasik chunaavon mein adhiktar seatein jeetne ke liye unhein aur bhaajapa ko badhaai dete hain. ' unhonne kaha ki pradhaanamantri Manmohan Singh neet nivartamaan samprag sarkaar ke dauraan donon deshon ne jo pragati ki us par rishte banaane ke prati Obama aashaanvit hain.

Ameriki Raashtrapati Barack Obama Ne Narendra Modi Ko Di Badhaai https://www.angrejinews.com/pic/50775