Ameriki Companiyon Par Cyber Hamlon Ke Peechhe Cheen, Cheen Ka Inkaar

Breaking »

Ameriki Companiyon Par Cyber Hamlon Ke Peechhe Cheen, Cheen Ka Inkaar

Beijing: Ek ameriki cyber suraksha company ne Budhvaar ko ameriki companiyon evam sansthaaon par hue cyber hamlon ke peechhe cheen ki sena ka haath hone ka aarop lagaaya. Is beech cheen ne kisi bhi tarah ke cyber haiking mein shaamil hone se inkaar kiya aur aaropon ko aadhaaraheen karaar diya. Ameriki cyber suraksha company mainadiyaant ne apni 60 prushthon ki report mein kaha hai ki Shanghai sthit ek sarkaar praayojit haikaron ka samooh, jise report mein epeeti-1 naam diya gaya hai, cheen dvaara kiye ja rahe cyber hamlon ka mukhya karta-dharta hai. Maindiyaant ki report mein aage kaha gaya hai ki epeeti-1 ke kaam karne ka tareeka people'S liberation army unit 61398 ke jaisa hai jiska mukhyaalaya Shanghai ke pudong jile mein sthit hai. Cheen ki sena ne Budhvaar ko cheen ki sashastr sena ke kisi bhi tarah ke cyber haiking mein shaamil hone se inkaar kiya hai tatha in aaropon ki tathyon evam kaanooni roop se aadhaaraheen hone par ninda ki hai. Cheen ke raashtreeya raksha mantraalaya ke pravakta jeing yaanasheing ne ek samvaadadaata sammelan ke dauraan kaha, "Cyber suraksha ko baadhit karne vaale kisi bhi tarah ke kaarya ko cheen ke kaanoon mein pratibandhit kiya gaya hai tatha cheen ki sarkaar cyber aparaadhon par hamesha kade kadam uthaati hai. " Ameriki suraksha company haalaanki cyber haikaron epeeti-1 ko unit 61398 ki imaarat mein tres kar paane mein asamarth rahi hai lekin company ka vishvaas hai ki aakhir is chhote se ilaake se hi itne hamle kyon hue. Maindiyaant ke anusaar pichhle do varshon se lagaataar yah cyber hamle ho rahe hain tatha kul 20 shreniyon mein hue hamlon ki pehchaan ki gayi hai jismein sena ke thekedaaron se lekar raasaayaanik sanyantr tak tatha teleekamyunikeshan companiyaan shaamil hain. Yaanasheing ne is report ko niraadhaar bataate hue kaha ki is report mein yah nishkarsh sirf is aadhaar par nikaala gaya hai ki cyber hamle mein prayukt computeron ke aaipi pate cheen ke hain. Yaanasheing kehte hain ki gair-jimmedaar soochanaaon ka prasaar karke samasya ka samaadhaan naheen khoja ja sakta.

Ameriki Companiyon Par Cyber Hamlon Ke Peechhe Cheen, Cheen Ka Inkaar https://www.angrejinews.com/pic/2427