America Ne Cheen Ko Diye 'Tohafe Mein Uttar Korea Par Pratibandhon Ke Kriyaanvayan Par Uthaae Savaal

World »

America Ne Cheen Ko Diye 'Tohafe Mein Uttar Korea Par Pratibandhon Ke Kriyaanvayan Par Uthaae Savaal

Washington, 12 June (epi) America ke kaaryavaahak videsh mantri paitrik shaanahan aur cheen ke videsh mantri vi feinge ke beech baithak shuroo hone se pehle ameriki mantri ne apne cheeni samakaksh ko ek vishesh 'Tohafa' dekar uttar Korea par lage pratibandhon ke kriyaanvayan par savaal uthaae. donon netaaon ne mangalvaar ko vaarta shuroo hone se pehle apne raashtron ke dhvaj ke saamane haath milaate huye photo khinchaai jo vaarta shuroo hone se pehle ek niyamit prakriya hai, lekin sammelan kaksh mein jo hua, vah niyamit roop se naheen hota. Shaanahan ne cheeni raksha mantri vei feinge ko ek vishesh 'Upahaar' bheint kiya. pehli najar mein kaufi table book ki tarah dikhne vaale is tohafe ke jariye America ne uttar Korea par lagaae gaye pratibandhon ke kriyaanvayan par savaal uthaae hain. 32 prushtheeya is pustak mein aisi tasveerein aur upagrah chitr the jinmein uttar Koreai pot tel ka len-den karte dikh rahe hain. Kai tasveeron ke saath taareekhon, samay, sthaanon aur anya vivran diya gaya tha. adhikaariyon ke anusaar yeh is baat ka saboot hai ki uttar Korea cheen ke tat ke paas aarthik pratibandhon ka ullanghan kar raha hai. Singapore mein ek raashtreeya suraksha sammelan mein vei aur unke sheersh adhikaariyon ke saath mulaakaat ke ek din baad, shaanahan ne kaha, ''Mainne unhein yeh sundar pustak di. '' Pentagon ke kaaryavaahak pramukh ne kaha, ''Mainne kaha ki yeh ek aisa kshetr hai jahaan aap aur main sahayog kar sakte hain. '' ullekhaneeya hai ki vyaapaar, ameriki praudyogiki ki chori, taaivaan ko ameriki hathiyaaron ki sambhaavit bikri aur uttar Korea par apne parmaanu hathiyaar kaaryakram ko chhodne ka dabaav banaane samet kai muddon ko lekar tramp prashaasan aur cheen ke saath takaraav bana hua hai. ek ameriki raksha adhikaari ne apni pehchaan gopaneeya rakhane ki shart par kaha ki shaanahan se baithak shuroo hone se pehle vei ko pustak dete hue kaha ki unke paas unke liye ek tohafa hai. Vei tohafa milne par shuroo mein hairaan rah gaye lekin jab unhein samajh aaya ki yeh vaastav mein kya hai to unhonne ise apne saathiyon ko thama diya. Washington sthit 'Center for straitejik end international stadeej' mein cheen oorja pariyojana ki nideshak boni glesar ne kaha, ''Yeh unhein (cheen ko) yeh bataane ka tareeka hai ki hamein pata hai ki kya chal raha hai. Hamaare paas saboot hain aur aapke paas America ke saath sahayog badhaane ka avsar hai. '' epi Krishna simmi shobhanaashobhana.

America Ne Cheen Ko Diye 'Tohafe Mein Uttar Korea Par Pratibandhon Ke Kriyaanvayan Par Uthaae Savaal https://www.angrejinews.com/pic/280722