America-Mexico Seema Par Deevaar Banaane Ke Liye Raashtreeya Aapaatakaal Ki Ghoshana Kar Sakte Hain Tramp

World »

America-Mexico Seema Par Deevaar Banaane Ke Liye Raashtreeya Aapaatakaal Ki Ghoshana Kar Sakte Hain Tramp

Washington America ke raashtrapati daunald trump desh mein avaidh pravaasiyon ko aane se rokane ke liye America aur Mexico ki seema par deevaar banaane ke liye raashtreeya aapaatakaal laagoo kar sakte hai. Apni vivaadit America-Mexico seema deevaar yojana ke liye samarthan jutaane ke maksad se trump ne bruhaspativaar ko teksas ka daura kiya. Is dauraan trump se poochha gaya ki kya vah aapaatakaal ghoshit karne vaale hain. Unhonne iske javaab mein kaha, 'Ham iske nikat hain. Mujhe lagta hai ki ham aisa jaldi kar sakte hain, kyonki yeh saamaanya samajh ki baat hai aur yeh kharcheela bhi naheen hai. ' Trump ne Budhvaar ko kaha tha ki raashtreeya aapaatakaal laagoo karna antim vikalp hai. Unhonne dhamaki di thi ki yadi demokraitik party ke neta deevaar ke liye 5.7 arab dollar ki raashi aavantit naheen karte hain to vah aapaatakaal laagoo kar deinge. Trump Budhvaar ko democratic netaaon- pratinidhi sabha ki speaker Nancy pelosi aur senet mein alpamat ke neta shak shumar ke saath is maamale par hui baithak beech mein hi chhodkar aa gaye the, jiske baad se aapaatakaal laagoo karne ki or unka jhukaav badh gaya hai. Ameriki raashtrapati ne guruvaar ko teksas mein samvaadadaataaon se kaha, 'Main vyaapak star par aavrajan sudhaar karna chaahata hoon. Ismein samay lagega. Yeh jatil kaam hai. Yeh 30-35 saal se chal raha hai, lekin aavrajan sudhaar se pehle hamein avarodhak banaana hoga. Ham aisa jaldi kar sakte hain. ' trump ne kaha, 'Ham raashtreeya aapaat laagoo kar sakte hain. '

America-Mexico Seema Par Deevaar Banaane Ke Liye Raashtreeya Aapaatakaal Ki Ghoshana Kar Sakte Hain Tramp https://www.angrejinews.com/pic/247053