America Mein Vaurtan Par Foota Modi Samarthakon Ka Gussa

World »

America Mein Vaurtan Par Foota Modi Samarthakon Ka Gussa

Washington. . Vaurtan India ikanaumik forum (dablyooaaiief) ka Gujarat ke CM Narendra Modi ko nyota dekar vaapas lene ka kissa puraana ho chuka hai, lekin Modi samarthakon ka gussa abhi shaant naheen huaa hai. Shanivaar ko kareeb 200 bhaarateeya amerikiyon ne iske virodh mein peinsilveniya mein shaantipoorvak pradarshan kiya. 'Amerikns for free speech' ke banner tale bhaarateeya amerikiyon ne 'Ham Modi ko chaahate hain' ke naare lagaae. Ve Modi ki tasveerein tatha banner haathon mein liye hue the. Jyaadaatar pradarshanakaari new yaurk aur new jersey se aae the. Ve kai blauk tak paidal chalakar dablyooaaiief ke saamane pradarshan karne pahunche. Shanivaar ko vahaan Bhaarat ke aarthik vikaas ke mudde par ek din ke sammelan ka aayojan kiya gaya tha. Sammelan sthal university of peinsilveniya ke hairisn sabhaagaar ke saamane sadak par kai vaktaaon ne pradarshanakaariyon ko sambodhit kiya. Ismein kareeb 200 logon ke bhaag lene ki baat kehte hue 'The daily peinsilveniya' ne likha hai, 'Press ke sadasyon ko sammelan mein pravesh naheen diya gaya. ' university of peinsilveniya ke teen prafesaron ki or se Modi ko bulaane ka virodh kiye jaane ke baad dablyooaaiief ki or se use vaapas lene ke vivaadit kadam ka virodh karte hue 'Indian American intelekchual forum' ke Narayan kataariya ne aarop lagaaya ki dablyooaaiief ne 'Speech ki aajaadi' par hamla kiya hai aur ise bhaarateeya paulitikl system mein 'Hastakshep' karaar diya. University of peinsilveniya ke adhyaksh Doctor Amy gutaman ko saunpe gaye gyaapan mein pradarshanakaariyon ne kaha ki unhein yah dekhkar bahut dukh ho raha hai ki bhaarateeya mool ke angreji aur saamaajik vigyaan ke mahaj teen prafesar is university ke faisale ko prabhaavit kar rahe hain. Gyaapan mein kaha gaya hai, 'Yahaan pramukh mudda bhaashan aur matabhinnata ki svatantrata ka hai. Dukh ki baat hai ki university ke is kadam ne in donon ka buri tarah ullanghan kiya hai. '

America Mein Vaurtan Par Foota Modi Samarthakon Ka Gussa https://www.angrejinews.com/pic/3512