'America Mein Talaashi Ka Niyam, Naheen Huaa Apamaan

India » Sunday, April 28, 2013

indrapaal kaushik. Bulandashahar : Uttar pradesh ke shahari vikaas mantri aajam Khan ka apamaan nahi huaa hai. America mein talaashi ka niyam hai. Ameriki prashaasan ne apne yahaan ke kaanoon ke mutaabik unki talaashi li thi, jise apamaan naheen kah sakte. Uttar pradesh ke shahari vikaas mantri aajam Khan ko America ke Boston havaai adde par rokane ka Bhaarat ne kada virodh jataaya tha. Saur oorja raajya mantri deveindr gupta ne kaha ki ameriki kaanoon ke anusaar talaashi jaayaj kahalaai jaaegi. Unki talaashi se pehle bhi America mein kai naamacheen hastiyon ki talaashi li ja chuki hai. Aise mein na to desh ki badanaami hui aur na hi uttar pradesh ki. Saur oorja raajya mantri shanivaar ko bulandashahar ke Ansari rod par vyaapaariyon se roobaroo hue. Unhonne vyaapaariyon ki nabj tatolate hue kaha ki vyaapaariyon ka shoshan bardaasht nahi kiya jaaega. Unhonne vyaapaariyon se kaha ki aap sab log ekajut hokar prashaasan ke khilaaf rally nikaaliye, city magistrate aur DM ka tabaadala shaasan ko karna padega. Bas avaidh kabje hataane vaale adhikaari tabaadale ki dar se chupachaap baith jaaenge. Is mauke par SP ke poorv jilaadhyaksh himaayat Ali, thaakur suneel Singh, premaveer Yadav aur jilaadhyaksh amajad Ali gudadoo upasthit rahe. Lohiya gaanvon ko 500 karod saur oorja raajya mantri ne bataaya ki lohiya gaanvon ko saur oorja se paani dene ki vyavastha ki ja rahi hai. Sarkaar ne lohiya gaanvon ko 500 karod rupaye dene ka prastaav paas kiya hai. Satta ki taakat hamamein hai mantri ji baatein karte hue itne jajbaati ho gaye ki vah yah kehne se bhi baaj nahi aae ki SP ke jilaadhyaksh ki itni power hai ki vah shaam tak DM aur SSP ka tabaadala kar sakte hai aur meri baat chhodie main to yah kaam 5 minute mein kar doonga.