America Mein Ghruna Aparaadh Ka Sandigdh Maamala,sikh Ko Goli Maari Gayi

Breaking »

America Mein Ghruna Aparaadh Ka Sandigdh Maamala,sikh Ko Goli Maari Gayi

Washington: America ke florida praant mein kuchh agyaat hamlaavaron ne ek sikh vyakti par goleebaari ki jiske baad unhein aspataal mein bharti karaaya gaya hai. Ise ghruna aparaadh ke maamale ke roop mein dekha ja raha hai. Kanvalajeet Singh (46) par shanivaar raat ko detona beech par hamla kiya gaya gaya. Hamlaavar ek truck par savaar the. Vah us vakt apne bete ke saath the, jo is hamle mein bach gaya. Kanvalajeet ke shareer ke kai hisson mein goli lagi hai aur filhaal ek sthaaneeya aspataal mein unka ilaaj chal raha hai. Hamle ke samay unka beta bhi saath tha, lekin surakshit bachane mein kaamayaab raha. Sthaaneeya samaachaar patra 'Detona beech news journal' ke anusaar, port oreinj ke police vibhaag ke sahaayak pramukh vaayane Miller ne kaha, haalaanki, is hamle ke peechhe abhi tak kisi spasht maksad ka pata naheen chal paaya hai. Is beech, adhikaariyon ne somvaar ko kaha tha ki is ghatna ki ghruna aparaadh ke pahaloo se jaanch ki jaaegi. Sikh American leegal defence end education fund tatha sikh koleshan ne is hamle ki ninda karte hue kaanoon pravartan adhikaariyon se ghatna ki gahan jaanch karne ka anurodh kiya hai.

America Mein Ghruna Aparaadh Ka Sandigdh Maamala,sikh Ko Goli Maari Gayi https://www.angrejinews.com/pic/2873