Ambani Khud Uthaaenge Z Security Ka Kharchaa Shinde
Breaking » Monday, April 22, 2013
Nai Delhi: Kendra sarkaar Reliance industries limited (RIL) ke arabpati Chairman mukesh Ambani ko Z kaitigri ki security muhaiya karaane ke faisale par ho rahe bavaal ke bachaav mein utar I hai. Mudde ko garamaata dekh gruh mantri susheel Kumar shinde ne ab kaha ki Ambani ne Z security par aane vaala kharch khud uthaane ki baat kahi hai. Gaurtalab hai ki gruh mantraalaya ke is faisale par savaal uthane lage the. Aam aadmi party ke neta Arvind Kejriwal, lekhak chetan bhagat samet kai ne iske khilaaf aavaaj uthaai hai. Unhonne savaal uthaaya hai ki apni suraksha ka kharcha khud utha sakane mein saksham arabpatiyon ko yah Z kaitigri ki suraksha kyon di jaani chaahiye. Gaurtalab hai ki keindreeya gruh mantraalaya ne haal mein mukesh Ambani ko Z security ko manjoori di hai. Mantraalaya ne CRPF ko turant yah jimmedaari uthaane ko kaha hai. Arvind Kejriwal ne sarkaar ke is faisale par tweet kiya, 'Mukesh Ambani ko Z security? Kya is tarah ke dhanakuber apni suraksha ke liye khud security guard rakhane mein samarth naheen hain? Aur kisi media sansthaan ko is mudde ko uthaane ka saahas naheen hai. Vaheen lekhak chetan bhagat ne bhi tweet kiya, 'Arabpati Z class security pa rahe hain. Vaheen ek nanhi bachchi jo A se Z tak bhi naheen seekh paai hai, use lagaataar police station se dhakiya diya ja raha hai. Aakhir sarkaar ki praathamiktaaen kya hain? ' Ambani ke liye 28 javaanon ki teem: Z kaitigri ki suraksha ke tahat Ambani ka ek pilot veeikal hoga aur uske peechhe anya veeikal honge. Inmein hathiyaaron se lais commando honge. Ye commando mukesh Ambani ko Mumbai aur desh mein kaheen bhi jaane par har vakt suraksha deinge. Sootron ne kaha ki keindeeya suraksha agencyon ne suraksha aur unhein mili dhamakiyon ke vishleshan ke baad Ambani ko chaubeeson ghante suraksha upalabdh karaane ki sifaarish ki thi. CRPF ne iske liye 28 meinbaron ki team tay ki hai. Yah pehla mauka hai jab CRPF kisi niji shakhs ko theek usi tarah suraksha muhaiya karaaegi jaise vah Jammu-Kashmir aur Punjab mein sarkaari seva se jude logon ko karaati hai.