Ambani Ka Haath, Devada Ke Saath Pehli Baar Sheersh Udyogapatiyon Ne Khulkar Kisi Candidate Ka Kiya Samarthan

Breaking »

Ambani Ka Haath, Devada Ke Saath Pehli Baar Sheersh Udyogapatiyon Ne Khulkar Kisi Candidate Ka Kiya Samarthan

Nai Delhi Udyog jagat ka ek alikhit niyam hai ki kabhi bhi chunaav ke dauraan saarvajanik taur par kisi ummeedavaar ka samarthan na karna, uske kainpen ka hissa na hona. Lekin Reliance industries ke Chairman mukesh Ambani aur kotak mahindra bank ke mainejing director udaya kotak ne is baar is niyam ko tod diya hai. Donon diggaj udyogapati Mumbai south ki pratishthit Loksabha seat se Congress ummeedavaar ke kainpen vidiyo mein dikh rahe hain. Yeh apni tarah ka pehla maamala hai. Bhaarat mein udyogapati paaramparik taur par chunaav ke dauraan raajaneetik bayaanabaajiyon ya kisi raajaneetik dal ke samarthan se bachate rahe hain. Udyogapati aamtaur par chupachaap nateejon ka intajaar karte hain aur jeete hue paksh ke raajaneetik vichaaron ya neetiyon ke prati apni pasand/naapansad jaahir karte hain. Ek baar jab koi dal ya gathabandhan satta mein aata hai to udyog sangathan hamesha prashaasan-samarthak rukh apnaate rahe hain. Ambani aur kotak ne khulkar Mumbai south se milind devada ka samarthan kiya hai jinka mukaabala shivsena ke Arvind saavant se hai. Donon ne iske peechhe devada ke chunaav kshetr ke baare mein 'Gyaan' aur Mumbai se unke judaav ko vajah bataaya hai. Donon ne apne bayaanon mein devada ki party ka jikr naheen kiya hai aur is tarah yeh spasht karne ki koshish ki hai ki unka samarthan vyakti ko hai, party ko naheen. Devada ne ek vidiyo tweet kiya hai jismein chhote vyavasaayiyon se lekar Ambani aur kotak jaise diggaj unka samarthan karte dikh rahe hain. Mukesh Ambani aur kotak dvaara saarvajanik taur par devada ke samarthan par BJP ne hamla karne mein deri naheen ki. BJP ne savaal kiya ki kya Congress 'Ambani sarkaar' banaana chaah rahi hai. Congress par tanj kasate hue BJP ne poochha ki Congress ek Ambani se apne candidate ka samarthan kyon chaahati hai, jabki vah pehle hi ek aur Ambani par hamlaavar hai. Yahaan party ka ishaara mukesh ke chhote bhaai anil Ambani ki taraf tha, jinke khilaaf Congress hamlaavar hai. Mumbai BJP ke cheef aasheesh shelaar ne kaha, 'Sabko yeh aajaadi hai ki vah jiske paksh mein chaahe prachaar kare. Haalaanki, BJP ne chunaav jeetne ke liye kabhi bhi kisi bijnas house ka samarthan naheen liya aur na hi yeh hamaari parampara hai. ' unhonne kaha ki Ambani devada ka samarthan kar rahe hain, jisse yeh spasht hai ki kaun kiska samarthan kar raha hai. Shelaar ne kaha ki ab naagrikon ko yeh nishkarsh nikaalna hai ki kaun 'Ambani sarkaar' banaana chaahata hai. Doosari taraf, Mumbai south se shivsena candidate Arvind saavant ne Ambani aur kotak ke devada ko diye samarthan ko khaas tavajjo naheen dete naheen dikh rahe hain. Haalaanki, yeh bhi hakeekat hai ki jab kisi chunaav kshetr ke do diggaj udyogapati kisi ummeedavaar ke paksh mein apni rai jaahir karte hain to asar to padega hi. Khaaskar tab jab udyogapati mukesh Ambani aur kotak jaise hon, jinka desh ke elit par achha asar maana jaata hai. Bhuleshvar ke vyavasaayi mitesh shaah kehte hain, 'Jab udaya kotak aur mukesh Ambani jaise bijnasamen kisi candidate ka samarthan karte hain to iska matlab hai ki vah ek bijnas-freindali shakhs hain aur agar vah satta mein aate hain to vaakai madadgaar honge. Iske alaava, vidiyo mein bataaya gaya hai ki devada bahut hi lok hain aur ilaake va iske muddon ko samajhte hain. Kisi saansad ko chunate vakt yeh bhi ek bahut hi mahatvapoorn factor hota hai. ' Pichhli baar udyogapatiyon ne saarvajanik taur par raajaneeti aur gavarneins par 2012 mein bole the jab inmein se tamaam ne kendra mein 'Paulisi pairaalisis' ki aalochna ki thi. Haalaank, tab bhi unhonne kisi khaas party ka jikr naheen kiya tha balki sirf un muddon aur pareshaaniyon ki or ishaara kiya tha, jiska ve saamana kar rahe the. Usase pehle, 2002 ke Gujarat dangon ko lekar udyogapatiyon ne Narendra Modi ki aguaai waali raajya sarkaar ki aalochna ki thi. Gujarat sarkaar ke khilaaf sabse mukhar svaron mein HDFC Chairman deepak paarekh ka tha. Rahul Bajaj, anu aaga jaise doosare udyogapatiyon ne bhi apni aavaaj uthaai thi aur chinta jaahir ki thi.

Ambani Ka Haath, Devada Ke Saath Pehli Baar Sheersh Udyogapatiyon Ne Khulkar Kisi Candidate Ka Kiya Samarthan https://www.angrejinews.com/pic/269019