Ambala Jail Mein Faansi Par Latakega Repist Dharmapaal

Breaking »

Ambala Jail Mein Faansi Par Latakega Repist Dharmapaal

nai Delhi. . Raashtrapati pranav mukharji dvaara daya yaachika khaarij kar dene ke baad rape aur rape peedita ke parivaar vaalon ki hatya mein doshi thaharaae gaye Haryana ke dharmapaal ko faansi di jaaegi. Guruvaar ko Ambala jail adhikaariyon ne saaf kar diya ki dharmapaal ki daya yaachika khaarij ho gayi hai aur use faansi di jaaegi. Haryana ke deejeepi (jail) sharad Kumar ne kaha ki dharmapaal ko faansi Ambala jail mein di jaaegi. 1991 mein dharmapaal par soneepat mein ek ladki ke saath rape ke aarop lage. 1993 mein use 10 saal kaid ki saja mili. Dharmapaal ne ladki ko court mein gavaahi dene par dhamaki di thi. Vah 1993 mein paanch dinon ke liye parol par riha huaa. Jab ladki ke parivaar vaale so rahe the tab dharmapaal ne in par hamla bol diya. Dharmapaal ne peedita ke maata-pita tale Ram aur Krishna, bahan neelam, bhaai praveen aur teenoo par andhaadhundh laathi chalaakar hatya kar di. Dharmapaal ke bhaai nirmal ne inki hatya karne mein madad ki thi. Donon ko maut ki saja di gayi. Supreme court ne 1999 mein dharmapaal ki saja kaayam rakhi lekin nirmal ki saja umr kaid mein tabdeel kar di. Nirmal 2001 mein parol par riha huaa to faraar ho gaya. Use 10 saal baad fir se arest kiya gaya. Dharmapaal ne pehle 1999 mein daya yaachika daakhil ki. Agale hi saal daya yaachika khaarij kar di gayi. Usane fir se 2005 mein daya yaachika daakhil ki lekin tab se pichhle saal December tak yaachika peinding mein padi rahi. Iske baad gruh mantraalaya ne dharmapaal samet 7 daya yaachika raashtrapati ke paas bheji. Raashtrapati pranav mukharji ne dharmapaal ki yaachika khaarij kar di. Haryana mein 19 jail hain lekin Ambala aur hisaar mein hi faansi dene ki suvidha hai. Antim faansi 1989 mein Ambala jail mein hatyaara gulaab Singh ko di gayi thi. Dharmapaal filhaal Rohtak jail mein hai. Haryana ke paas ko jallaad maujood naheen hai. Haalaanki jail suparinteindeint iske liye kisi ko bhi uchit samajhakar jimmedaari day sakte hain. Soneepat trial court se death vaurant milne ke baad sarkaar kuchh aupachaarikta poori karegi. Iske baad faansi ki taareekh tay ho jaaegi. Doosari taraf UP ke gurameet Singh ko 17 August 1986 ko ek parivaar ke 13 logon ki hatya ke maamale mein faansi ki saja di gayi thi. Gurameet ki arji bhi pranav mukharji ne khaarij kar di hai. UP ke hi suresh aur raamaji ko apne bhaai ke parivaar ke paanch logon ki hatya mein maut ki saja di gayi thi. Ise bhi raashtrapati ne khaarij kar di hai.

Ambala Jail Mein Faansi Par Latakega Repist Dharmapaal https://www.angrejinews.com/pic/4485