Allahabad Bank Ki Agale Vitt Varsh Mein Poonji Jutaane Ki Yojana

Business »

Allahabad Bank Ki Agale Vitt Varsh Mein Poonji Jutaane Ki Yojana

Kolkata, 15 March (bhaasha) saarvajanik kshetr ka Allahabad bank agale vitt varsh mein poonji jutaane par vichaar kar raha hai. Kolkata ka yeh bank haal mein hi tvarit evam sudhaaraatmak kaarravaai (PCA) ki prakriya se baahar aaya hai. Reserve bank ne February mein Allahabad bank ko kamjor bankon ki soochi se hata diya tha. Allahabad bank ke prabandh nideshak evam mukhya kaaryakaari adhikaari (CEO) S S mallikaarjun Rao ne shukravaar ko yahaan samvaadadaataaon se kaha ki bank saadhaaran beema sanyukt udyam yoonivrsal sompo mein apni hissedaari ki bikri ke vikalp par vichaar kar raha hai. Iske alaava bank ka iraada Mumbai jaise sthaanon par apni gair pramukh sampattiyon ki bikri taiyaari bhi ki hai. Rao ne kaha, ''Allahabad bank PCA se baahar aa gaya hai. Sarkaar dvaara poonji daalne se aisa ho paaya hai, kyonki shuddh NPA aur seeaaraeaar se sambandhit kuchh sharton ko bank poora naheen kar pa raha tha. Rao ne kaha ki bank ka shuddh NPA chhah pratishat se neeche aa gaya hai. Unhonne ummeed jataai ki bank 2019 mein munaafe mein aa jaaega. Sarkaar ne bank mein poonji niyaamakeeya jarooraton ko poora karne ke liye daali hai. Unhonne kaha ki vruddhi ke liye haalaanki kuchh poonji ki jaroorat hai lekin ham isko lekar chintit naheen hain. Rao ne kaha ki SEBI ki jaroorat ke hisaab se sarkaar ke paas abhi bank mein apni aur hissedaari ka vinivesh karne ki gunjaaish hai.

Allahabad Bank Ki Agale Vitt Varsh Mein Poonji Jutaane Ki Yojana https://www.angrejinews.com/pic/261387