Aljeeriyaa Hamle Mein Marne Vaalon Ki Sankhya 80 Ke Oopar

World »

Aljeeriyaa Hamle Mein Marne Vaalon Ki Sankhya 80 Ke Oopar

Aljeeyars . . Sahaara marusthal mein ek praakrutik gas sanyantr par aatankvaadi hamle mein marne vaalon ki sankhya 80 ke paar chali gayi hai. Visfotak saamagri ka pata lagaane ke liye sanyantr ki talaashi le rahe aljeeriyaai balon ko darjanon shav mile jismein se kai kshat-vikshat hain jisse yah spasht naheen hai ki ye shav bandhakon ke hain ya aatankvaadiyon ke. Aljeeriyaai vishesh balon ke sadasya chaar din se jaari sankat ko khatm karne ke liye shanivaar ko sanyantr mein ghuse. Sarkaari adhikaariyon ka kehna hai ki islaami charampanthiyon ki yojana parisar ko bam se udaane aur sabhi bandhakon ki hatya karne ki thi jiske liye poore parisar mein baarood bichhaaya gaya tha. Is hamle ki saajish rachane ka daava karne vaale 'Maaskd briged' ne ek bayaan mein padosi desh maali mein France ke sainya hastakshep ka samarthan karne deshon ko is tarah ke hamlon ke liye chetaaya. Algeria ne kaha ki shanivaar ko sarkaari balon ki kaarravaai mein kam se kam 32 aatankvaadi aur 23 bandhak maare gaye. Ek surakshaakarmi ne kaha ki aljeeriyaai bam nirodhak daste ne kal 25 aur shav nikaale. Unhonne kaha ki in shavon ki pehchaan mushkil hai. Ye shav videshi bandhakon ya aljeeriyaai naagrikon ya aatankvaadiyon ke ho sakte hain. Is beech romaaniya ke ek ghaayal naagrik ke dam todne se marne vaalon ki kul sankhya 81 ho gayi

Aljeeriyaa Hamle Mein Marne Vaalon Ki Sankhya 80 Ke Oopar https://www.angrejinews.com/pic/3469