Alaagiri DMK Cheef Se Naaraaj, Meeting Mein Naheen Pahunche

Breaking » Tuesday, March 26, 2013

Chennai. . UPA sarkaar se samarthan vaapasi ke mudde par DMK mein foot pad gayi hai. DMK cheef Karunanidhi ke bade bete aur poorv keindreeya mantri alaagiri somvaar ko bulaai gayi party ki mahatvapoorn meeting mein naheen pahunche. Sootron ke mutaabik, kendra se samarthan vaapasi ke faisale par unase salaah naheen liye jaane se alaagiri naaraaj hain. Chennai mein hone waali is baithak se pehle somvaar ki subah alaagiri apne chunaav kshetr madurai ke liye nikal gaye. Gaurtalab hai ki pichhle hafte DMK ne kendra sarkaar se apna samarthan vaapas le liya tha aur uske paanchon mantriyon ne apne isteefe saunp diye the. Khabar hai ki DMK ke kendra sarkaar se samarthan vaapasi ke peechhe DMK cheef Karunanidhi ke chhote bete staalin ka haath tha. Alaagiri aur staalin ek-doosare ke virodhi bataae jaate hain