Aksharadhaam Maamala Chhah Bari Logon Ne Gujarat Sarkaar Se Muaavaja Maanga

Breaking »

Aksharadhaam Maamala  Chhah Bari Logon Ne Gujarat Sarkaar Se Muaavaja Maanga

Mumbai: varsh 2002 ke aksharadhaam mandir hamla maamale mein nichli adaalaton dvaara doshi thaharaae jaane, lekin Supreme court dvaara haal mein bari kar diye jaane vaale chhah aaropiyon ne 'Aparaadh mein unhein galat tareeke se fansaane' ke liye Gujarat sarkaar se aaj muaavaje ki maang ki. jameeyat ulema Maharashtra ki taraf se aaj aayojit samvaadadaata sammelan mein bari kiye jaane vaale logon ne un adhikaariyon ke khilaaf bhi kaarravaai ki maang ki jinhonne un par abhiyojan chalaaya. Chhah aaropiyon mein se paanch adam ajameri, mufti abdul kayyoom mansoori, mohammad saleem shekh, abdulamiyaan kaadari aur altaaf husain samvaadadaata sammelan mein maujood the. Supreme court ne 16 May ko sabhi chhah aaropiyon ko aksharadhaam maamale mein bari kar diya aur maamale mein laaparavaaheepoorn jaanch ke liye Gujarat police ki khinchaai ki jismein sabhi aaropiyon par aatankvaad gatividhiyaan nirodhak kaanoon (pota) ke tahat abhiyojan chal raha tha. nichli adaalat ne jahaan ajameri aur mansoori ko maut ki saja sunaai thi, vaheen anya ko das varsh se lekar umrakaid tak ki saja sunaai. Baharahaal Supreme court ne un sabhi ko bari kar diya. jameeyat ulema Maharashtra ke kaanooni prakoshth ke sachiv gulajaar aazmi ne aaropiyon ke liye muaavaje ki maang karte hue kaha ki unamein se adhiktar ne das varsh se jyaada vakt jail mein bitaae hain. bari hue aaropi mohammad saleem shekh ne kaha, 'Main 13 saal se saudi arab mein kaam kar raha tha, jab unhonne yeh kehte hue mujhe uthaaya ki mere passport mein samasya hai. Unhonne mujhe buri tarah peeta, mere peeth par ab bhi jakhm hain aur mera pair toot gaya. ' vaheen ek anya aaropi ne kaha, 'Is maamale mein hamaari jindagi barbaad ho gayi aur ham kaheen ke naheen rahe. ' jameeyat ulema A Maharashtra ke adhyaksh maulaana mustakeem ehsaan aazmi ne kaha ki jameeyat desh bhar mein aatankvaad ke aarop mein giraftaar yuvakon ko kaanooni sahayog muhaiya karaata hai. gaurtalab hai ki 2002 ke aksharadhaam aatankvaadi hamle mein 32 log maare gaye the. Is maamale mein Supreme court ne chhah aaropiyon ko bari karte hue kaha ki pota ke tahat abhiyojan ki manjoori dena bina soche samajhe masheeni kaam ki tarah tha aur ismein dimaag naheen lagaaya gaya, isliye ise khaarij kiya jaata hai. Ismein yeh bhi kaha gaya ki pota ke tahat prakriya ka paalan kiye bagair aaropiyon ke ikabaaliye bayaan darj kiye gaye. Supreme court ki peeth ne yeh bhi kaha tha ki maamale mein ikabaaliya gavaah ke bayaan ka svatantr saakshyon se Milan naheen kiya gaya.

Aksharadhaam Maamala Chhah Bari Logon Ne Gujarat Sarkaar Se Muaavaja Maanga https://www.angrejinews.com/pic/51816