Aksharadhaam Aatanki Case Mein Bari Hue Shakhs Ne Kaha, 'Mainne Jindagi Ke 11 Saal Ganva Diye

Breaking »

Aksharadhaam Aatanki Case Mein Bari Hue Shakhs Ne Kaha, 'Mainne Jindagi Ke 11 Saal Ganva Diye

Mohammad saleem Mohammad saleem Ahmedabad: saal 2002 mein aksharadhaam mandir par hue aatanki hamle mein Gujarat police ke kuchh adhikaariyon dvaara kathit roop se fansaaen gaye 45 saal ke mohammad saleem ko apni jindagi ke pichhle 11 saal ek 'Aantaki' ke tamage ke saath gujaarne pade. Supreme court ne is saal ki 16 May ko is maamale mein umrakaid ki saja paae teen aaropiyon sahit sabhi chhah aaropiyon ko riha karne ka aadesh diya aur Gujarat police ko usaki lachar jaanch ke liye kadi fatkaar bhi lagaai. inheen mein ek saleem bhi hain, jo August 2003 mein saudi arab se laute hi the ki tabhi Ahmedabad police ki aparaadh shaakha ne unhein apne passport aavedan mein galat jaankaari dene ke aarop mein giraftaar kar liya. Iske baad kathit roop se usase kisi ek aatanki hamle mein apni bhoomika sveekaar karne ke liye gaya. saleem un dinon ko yaad karte hue bataate hain, 'Mujhse godhara (train mein aagajani ka maamala)', haren pandya (hatya) maamala ya fir aksharadhaam maamalon mein se kisi ek ko chunane ke liye kaha gaya. Mainne unase gujaarish karte hue kaha ki main pichhle 13 saal se Bhaarat se baahar tha, to fir main aisi koi baat kaise maan loon, jab main usamein sanlipt tha hi naheen. ' saal 2006 mein saleem ko pota court ne umrakaid ki saja suna di. Vaheen teen anya aaropiyon- mufti abdul kayoom, aadam ajameri aur chaand Khan ko maut ki saja sunaai gayi. Iske alaava do anya aaropiyon abdul miyaan kaadari ko das saal jail aur altaaf kaadari ko paanch saal jail ki saja mili. saleem ki giraftaari ke baad unki maan bimaar pad gayi, vaheen unka 15 saal ka beta jis angreji maadhyam ke school mein padhaai kar raha tha, usase use hata diya gaya. Iske baad use sarkaari school mein daakhila lena pada. Saleem kehte hain, 'Mere bachchon ko bina kisi dosh ke saja di gayi. ' in sab takaleefon ke baad aaj saleem aur uske parivaar ki bas yahi khvaahish hai ki is maamale ki vajah patari se utari unki jindagi vaapas patari par laut aae.

Aksharadhaam Aatanki Case Mein Bari Hue Shakhs Ne Kaha, 'Mainne Jindagi Ke 11 Saal Ganva Diye https://www.angrejinews.com/pic/51642