Akhilesh Sarkaar Ne Jaaved Usmaani Ko Hataakar Aalok Ranjan Ko Mukhya Sachiv Banaaya

Breaking »

Akhilesh Sarkaar Ne Jaaved Usmaani Ko Hataakar Aalok Ranjan Ko Mukhya Sachiv Banaaya

Lucknow: uttar pradesh ke mukhyamantri Akhilesh Yadav ne pradesh ke mukhya sachiv jaaved usmaani ko hata kar aalok ranjan ko naya mukhya sachiv niyukti kiya hai. aadhikaarik sootron ne yahaan bataaya ki sarkaar ne jaaved usmaani ko hataakar krushi utpaadan aayukt aur unki jagah aalok ranjan ko pradesh ka naya mukhya sachiv bana diya. usmaani ko March 2012 mein pradesh mein samaajavaadi party (sapa) ki sarkaar banane ke fauran baad pradesh ka mukhya sachiv banaaya gaya tha. Delhi ke seint Stefan college se snaatak aur varsh 1978 baich ke aaiees adhikaari ranjan ne padabhaar grahan karne ke baad kaha ki vah sabhi chunautiyon ka saamana kareinge. Adhikaariyon ki team ek saath hogi, manobal ooncha hoga to jaroor kaamayaabi milegi. Unhonne kaha ki svachh prashaasan dena unki praathamikta hogi. Bijli sankat samet pradesh se judi jo bhi samasyaaen hain, unhein prabhaavi tareeke se jald se jald niptaane ki poori koshish ki jaaegi. IIM Ahmedabad se padhe ranjan uttar pradesh aaiees association ke adhyaksh bhi hain.

Akhilesh Sarkaar Ne Jaaved Usmaani Ko Hataakar Aalok Ranjan Ko Mukhya Sachiv Banaaya https://www.angrejinews.com/pic/52338