Akhilesh Ki Kalam Se 'Bhooto Na Bhavishyati Ke Andaaj Mein Banegi Modi Sarkaar. . .

Breaking »

Akhilesh Ki Kalam Se  'Bhooto Na Bhavishyati Ke Andaaj Mein Banegi Modi Sarkaar. . .

File chitr File chitr Nai Delhi: Narendra Modi 26 May ko pradhaanamantri pad ki shapath leinge, lekin unhonne kaam pehle hi shuroo kar diya hai. Aisa shaayad pehli baar hua hai, jab kisi neta ne pradhaanamantri pad ki shapath lene aur raashtrapati se sarkaar banaane ke liye nimantran milne se pehle hi kaam shuroo kar diya ho. Modi cabinet sachiv aur gruh sachiv se mil chuke hain. Khabaron ke mutaabik unhonne in donon hi aala afsaron ko kai mahatvapoorn kaam karne ke liye kah diya tha. Isi tarah sarkaar ke gathan ko lekar bhi unhonne party ke kai varishth netaaon se mulaakaat ki hai. maana ja raha hai ki Modi sarkaar desh ke itihaas ki sabse kasi hui sarkaar hogi. Ek aisi sarkaar, jise na to gathabandhan ki majabooriyon ke naam par manamaafik mantraalaya lene ke sahayogi dalon ke dabaav ke aage jhukane ki majaboori hai aur na party ke androoni sameekaranon mein santulan bithaane ke liye bujurg netaaon ko edajast karne ka dabaav jhelana hai. 75 basant paar kar chuke netaaon ke liye raajabhavanon ke darvaaje kholne ki taiyaari hai. Khud Modi 63 saal ke hain aur unki sarkaar mein ek-do apavaadon ko chhod umr mein unase bada koi neta shaayad hi mantri banaaya jaae. sarkaari kharchon mein katauti karne aur kaam mein dakshata aur kushalata badhaane ke liye mantraalayon mein can'T-chhaant aur unhein aapas mein milaane ki sabse badi kavaayad ki ja rahi hai. Sootron ke mutaabik Modi sarkaar ke sambhaavit svaroop ko lekar kai maheenon se taiyaariyaan chal rahi hain. Kai viksit deshon ki sarkaaron ke model ka adhyayan kiya gaya aur ek moti report taiyaar ki gayi hai. Isi report ke aadhaar par charcha chal rahi hai ki kai gairajroori mantraalayon ko khatm kiya jaaega. Kai mantraalayon ko aapas mein mila diya jaaega aur kai mantraalayon ko nigmon mein tabdeel kar diya jaaega. misaal ke taur par gruh mantraalaya se aantarik suraksha ko alag karne ka prastaav hai. Is prastaav ke tahat ek raajyamantri ko aantarik suraksha ka prabhaar dekar use seedhe pradhaanamantri kaaryaalaya ke adheen kar diya jaaega. Modi seedhe-seedhe aaibi aur NIA jaisi agencyon ke rojmarra ke kaamkaaj par nazar rakh sakeinge. Isi tarah ek naya infrastructure mantraalaya banaane ka prastaav hai, jismein bhootal parivhan aur jahaajaraani jaise kai anya mantraalaya milaae ja sakte hain. Ismein rel mantraalaya ko bhi milaakar yaataayaat mantraalaya banaane ka bhi prastaav tha, lekin rel mantraalaya ke bhaari aakaar ko dekhte hue filhaal ise alag hi rakhane ka vichaar hai. petrolium aur praakrutik gas, oorja, koyala aur gair-paaramparik oorja srot jaise alag-alag mantraalayon ko milaakar oorja mantraalaya banaaya ja sakta hai, jabki graameen vikaas aur panchaayati raaj mantraalayon ko bhi ek kiya ja sakta hai. Isi tarah udyog, vaanijya, kapda va sookshm, laghu va manjhale udyam mantraalayon ko milaakar ek bhaari-bharakam mantraalaya banaane ka prastaav hai. Krushi, khaadya, khaadya prasanskaran, naagrik upabhokta aur aapoorti mantraalayon ko bhi aapas mein milaane ki yojana hai. Ek prastaav yeh bhi hai ki doorasanchaar, soochana praudyogiki aur soochana evam prasaaran mantraalayon ko milaakar ek naya mantraalaya banaaya jaae. Iske peechhe soch yeh hai ki jab kshetr ek hi hai, to use alag-alag vibhaagon mein kyon baanta jaae. kai gairajroori mantraalayon ko khatm karne ka bhi prastaav hai. Ovaraseej Indian jaise mantraalayon ki zaroorat mahasoos naheen ki ja rahi hai. Ek prastaav yeh bhi hai ki kai mantraalayon ko nigmon mein tabdeel kar diya jaae aur unki jimmedaari kisi teknokrait ko de di jaae. Is tarah chhah maheene ke bheetar Rajyasabha ya Loksabha se chunakar laane ke jhanjhat se bacha ja sakega. Alpasankhyak maamalon ke mantraalaya ko bhi aage jaakar nigam mein badla ja sakta hai, jabki nadiyon ko jodne ya unhein saaf karne ke liye ek alag mantraalaya ya nigam banaane ka bhi prastaav hai. daraasal, mantraalayon ko baantakar alag-alag portfolio banaane ki kavaayad gathabandhan ki raajaneeti aur varishth netaaon ko khush karne ki rananeeti ke tahat '90 ke dashak mein bani asthir sarkaaron ke daur se shuroo hui thi. Kisi ko andaaja naheen raha hoga ki varsh 84 ke baad ek aisi sthir sarkaar banane ja rahi hai, jo na sirf ek hi party ki hai, balki use sahayogi dalon ke blaikamel ke aage bhi naheen jhukna hai. Modi ke saamane koi majaboori naheen hai ki rel ya raksha jaise mahatvapoorn mantraalaya kisi sahayogi dal ko khush rakhane ke liye de diye jaaen, jaisa Vajpayee sarkaar ke vakt hua tha. Vaise bhi kaha jaata hai ki gathabandhan raajaneeti ka sabse bada shikaar koi mantraalaya agar hua hai, to vah rel mantraalaya hi hai. kul milaakar isi poori kavaayad ko 'Bhooto na bhavishyati' ke andaaj mein anjaam diya ja raha hai. 'Modi meens bijnes' ke mantra ke saath aane vaale paanch saal mein kaam ka khaaka taiyaar kiya ja raha hai. Ek aisi sarkaar ki neenv rakhi ja rahi hai, jo 21veen sadi mein Bhaarat ko ek aarthik mahaashakti banaane ke raaste par majabooti aur teevr gati se lekar jaae. Iseeliye kaha ja raha hai ki 26 taareekh ko mantrimandal mein jagah na milne se BJP aur sahayogi dalon ke kai netaaon ke chehare agar latake nazar aaen, to hairaani naheen hogi.

Akhilesh Ki Kalam Se 'Bhooto Na Bhavishyati Ke Andaaj Mein Banegi Modi Sarkaar. . . https://www.angrejinews.com/pic/51350