Akhilesh Ke Mantri Ne Aajam Khan Ke Aaropon Par Uthaae Savaal

Breaking »

Akhilesh Ke Mantri Ne Aajam Khan Ke Aaropon Par Uthaae Savaal

Nai Delhi. . America ke Boston airport par uttar pradesh ke alpasankhyak kalyaan aur shahari vikaas mantri aajam Khan ke saath badasalooki ke maamale mein ab samaajavaadi party (SP) mein hi do rai hai. Jahaan ek or aajam Khan ke apamaan se aahat UP ke mukhyamantri Akhilesh Yadav ne Harvard university ke lekchar ka boycott kiya hai, vaheen doosari or unheen ke sarkaar mein darja praapt raajyamantri deveindr gupta ka kehna hai ki America ka apna kaanoon hai, ise (aajam Khan se poochhataachh) badasalooki kehna galat hoga. Ek TV channel ke mutaabik, America mein aajam Khan ke apamaan ke mudde par samaajavaadi party mein do rai dekhne ko mil rahi hai. UP mein new aind rinyooaibal enarji divelapameint agency ke vaais Chairman aur darja praapt raajyamantri deveindr gupta ne Boston airport par aajam Khan se ki gayi poochhataachh ko badasalooki maanane se inkaar kar diya hai. Unhonne kaha ki America ka apna kaanoon hai aur use apne kaanoon ke mutaabik kaam karne ka adhikaar hai. Ise badasalooki kehna galat hoga. Deveindr gupta se pehle videsh mantri Salman khursheed ne kaha tha ki us desh (America) ka daura karne ke liye kadi maaigreshan prakriya ek jaroorat hai. Agar kuchh huaa hai to sarkaar har naagrik ke liye is mudde ko uthaaegi na ki sirf kisi vishesh darja vaale vyakti ke liye. Iske pehle bhaarateeya samay ke mutaabik shukravaar ki shaam UP mein Kumbh mele ke dauraan kraaud management ka gur bataane Harvard university gaye mukhyamantri Akhilesh Yadav ne apne donon mantriyon aajam Khan aur Abhishek mishra ke saath lekchar radd kar turant Bhaarat lautane ka faisala kiya. Unhonne guruvaar ko Boston ke logaan airport par shahari vikaas mantri aajam Khan ke saath durvyavahaar ke virodh mein yah kadam uthaaya. Gaurtalab hai ki aajam ko logaan airport par poochhataachh ke liye kareeb 10 minute tak roka gaya tha. Unke paas raajanayik passport hone ke baavajood jaanch adhikaariyon ne unase kaafi poochhataachh ke baad hi unhein vahaan se jaane diya tha.

Akhilesh Ke Mantri Ne Aajam Khan Ke Aaropon Par Uthaae Savaal https://www.angrejinews.com/pic/6946