Akaali Dal Se Matabhed Siddhoo Ko Padega Bhaari, Amrutasar Se Jetali Ko Utaarane Ki Maang

Breaking »

Akaali Dal Se Matabhed Siddhoo Ko Padega Bhaari, Amrutasar Se Jetali Ko Utaarane Ki Maang

Chandigarh. . BJP se navajot Singh siddhoo ki naaraajagi ki vajah ab saamane aa rahi hai. Akaali dal chaahata hai ki amrutasar se 2014 mein BJP ke senior neta arun jetali chunaav ladein. Siddhoo ki patni ne kaha tha ki vah party ki upeksha se aahat hain isliye BJP aur raajaneeti donon chhod sakte hain. Daraasal, maamala kuchh aur hi hai. Punjab mein BJP aur akaali dal ki gathabandhan sarkaar hai. Navajot Singh siddhoo amrutasar se saansad hain. Siddhoo ki akaali dal se filhaal khatapat hai. Punjab ke upamukhyamantri sukhabeer Singh baadal ke rishtedaar aur raajya ke raajasv mantri bikram Singh majeethiya se siddhoo ke kai staron par manamutaav hain. Is vajah se siddhoo ko badi keemat chukaani pad sakti hai. Shukravaar ko BJP cheef Rajnath Singh ne naaraaj siddhoo se baat ki thi. Unhonne siddhoo se kaha tha ki vah koi bhi bada kadam uthaane se pehle party se sampark karein. Haalaanki, akaali dal ne siddhoo ki naaraajagi par kaha ki yah BJP ka intaranal maamala hai. Akaali dal ke pravakta dalajeet Singh cheema ne kaha ki yah siddhoo aur BJP ka maamala hai. Cheema ka yah bayaan siddhoo dvaara Rajnath Singh se baat karne ke baad aaya. Lekin, doosari taraf shiromani akaali dal ke sootron ne bataaya ki party ki taraf se BJP ko bata diya gaya hai ki amrutasar se 2014 ke aam chunaav mein siddhoo ke badle arun jetali ko tikt diya jaae. Siddhoo amrutasar se 3 baar Loksabha chunaav jeet chuke hain. Vah IPL tournament khatm hone ke baad Rajnath Singh se mulaakaat kareinge. Haalaanki, is masale par ab-tak siddhoo ne kuchh bhi naheen kaha hai. Rajnath Singh ne jab adhyaksh banane ke baad apni nai team ghoshit ki to unhonne siddhoo ko sachiv pad se hata diya. Gaurtalab hai ki nitin gadkari ke kaaryakaal mein siddhoo ko sachiv baanaaya gaya tha. Jaahir hai siddhoo Rajnath Singh ke is kadam se behad naaraaj the. Akaali dal is naaraajagi ki aad mein siddhoo ko amrutasar seat se dafa karavaana chaahata hai. Vah BJP se sunishchit karavaana chaahata hai ki unhein amrutasar se tikt naheen diya jaae. Ek senior akaali neta ne naam naheen bataane ki shart par kaha ki yadi siddhoo ko 2014 mein amrutasar se tikt diya jaata hai to jeet haasil karna kathin hai. Aisa isliye ki siddhoo saansad ke roop mein amrutasar se gaayab rahe hain. Iska matlab saaf hai ki siddhoo ko amrutasar se tikt milta hai ko akaali dal ka samarthan naheen rahega. Akaali neta ne kaha ki yadi jetali ko maidaan mein utaara jaata hai to ham unhein jitaane ke liye jaan aur aatma donon laga deinge. Amrutasar myoonisipl kaurporeshan chunaav mein siddhoo aur akaali ke beech khoob jubaani jang hui thi. Mayor chunaav ke lekar siddh aur majeethiya aamne-saamane aa gaye the.

Akaali Dal Se Matabhed Siddhoo Ko Padega Bhaari, Amrutasar Se Jetali Ko Utaarane Ki Maang https://www.angrejinews.com/pic/5441