Ajeem Premaji Ne 12,300 Karod Rupaye Ke Share Trast Ko Diye

Business »

Ajeem Premaji Ne 12,300 Karod Rupaye Ke Share Trast Ko Diye

Bengaluru: Paropakaar ke maarg par aur aage badhte hue IT diggaj ajeem premaji ne Wipro ke 29.55 karod ikviti share ek trast ko hastaantarit karne ki ghoshana ki hai. In sheyaron ka moolya 12,300 karod rupaye hai. Company ke ek bayaan mein kaha gaya ki yah trast dhan ka istemaal ajeem premaji foundation dvaara ki gayi vibhinn saamaajik pahal ko aage badhaane mein karega. Is share hastaantaran ke saath Wipro mein trast ki sheyaradhaarita badhkar kareeb 19.93 pratishat pahunch jaaegi. Wipro limited ke 29.55 karod share kareeb 12 pratishat hissedaari ke baraabar hai. Ajeem premaji foundation ke Chairman khud premaji hain. Premaji ne 19 February ko ghoshana ki thi ki vah apna aur dhan paropakaari kaaryon mein lagaana chaaheinge, kyonki unke foundation ne desh mein praathamik shiksha pranaali ki gunavatta sudhaarane ka kaarya badha diya hai. Isse pehle, 2010 mein premaji ne apne niji khaate se Wipro mein 8.7 pratishat hissedaari paropakaari kaaryon ke liye daan ki thi.

Ajeem Premaji Ne 12,300 Karod Rupaye Ke Share Trast Ko Diye https://www.angrejinews.com/pic/2625